ഹൈദരാബാദ്: ആന്ധ്രാപ്രദേശ് മുഖ്യമന്ത്രി ജഗന്മോഹന് റെഡിക്കെതിരായ കോടതി അലക്ഷ്യ കേസിന് അറ്റോര്ണി ജനറല് അനുമതി നിഷേധിച്ചു. ജഗന്മോഹനെതിരെ അഭിഭാഷകനായ അശ്വനി ഉപാധ്യായയാണ് കോടതി അലക്ഷ്യ ഹരജി നല്കാന് അനുമതി തേടിയത്.
ജസ്റ്റിസ് എന്വി രമണക്കെതിരെ ആന്ധ്രാപ്രദേശ് മുഖ്യമന്ത്രി ഉയര്ത്തിയ ആരോപണങ്ങള് ചൂണ്ടിക്കാട്ടിയായിരുന്നു കോടതി അലക്ഷ്യ ഹരജി. മുന് മുഖ്യമന്ത്രി ചന്ദ്രബാബു നായിഡുവിന്റെ തെലുങ്ക് ദേശം പാര്ട്ടിക്ക് വേണ്ടി മുതിര്ന്ന ജഡ്ജി പ്രവര്ത്തിക്കുന്നു എന്നായിരുന്നു റെഡി അവകാശപ്പെട്ടത്.
എന്നാല് മുഖ്യമന്ത്രി കൂടിയായ ജഗന്മോഹനെതിരെ കോടതി അലക്ഷ്യ നടപടി സ്വീകരിക്കേണ്ട സാഹചര്യമില്ലെന്ന് അറ്റോര്ണി ജനറല് ചൂണ്ടിക്കാട്ടി.
Read Also: കുഴല് കിണറില് വീണ് മരിച്ച കുഞ്ഞിന്റെ കുടുംബത്തിന് നഷ്ടപരിഹാരം പ്രഖ്യാപിച്ച് സര്ക്കാര്