മോഹൻലാൽ സംവിധായകനാകുന്ന ബറോസ് സിനിമയുടെ ഷൂട്ടിങ് ആരംഭിച്ചു. ലൊക്കേഷനിലെ ചിത്രങ്ങൾ പങ്കുവച്ചുകൊണ്ട് അദ്ദേഹം തന്നെയാണ് വാർത്ത പ്രേക്ഷകരെ അറിയിച്ചത്.
കഴിഞ്ഞ വർഷം അവസാനം തുടങ്ങാനാണ് ആദ്യം പദ്ധതിയിട്ടതെങ്കിലും കോവിഡ് കാരണം ഷൂട്ടിങ് മാറ്റി വെക്കുകയായിരുന്നു. മോഹൻലാൽ തന്നെയാണ് നായക കഥാപാത്രമായ ബറോസിന്റെ വേഷം അവതരിപ്പിക്കുന്നത്. പൃഥ്വിരാജ് സുകുമാരൻ, പ്രതാപ് പോത്തൻ എന്നിവരോടൊപ്പം വിദേശ നടി പാസ് വേഗയും ചിത്രത്തിന്റെ ഭാഗമാകും. ബറോസ് പൂർത്തിയാകുന്നത് വരെ മോഹൻലാൽ മറ്റ് സിനിമകളില്‍ അഭിനയിക്കില്ലെന്നാണ് റിപ്പോർട്.
And the Camera starts Rolling!
First day of shoot
Action! #Jijo @santoshsivan @antonypbvr @aashirvadcine #Barroz pic.twitter.com/HPp6DkHRjw
— Mohanlal (@Mohanlal) March 31, 2021
പോര്‍ച്ചുഗീസ് പശ്‌ചാത്തലമുള്ള പിരീഡ് സിനിമയാണ് ബറോസ്. ആശിർവാദ് സിനിമാസാണ് നിർമാണം. ത്രീഡിയിൽ ആകും ചിത്രം ഒരുക്കുക. ഇന്ത്യയിലെ ആദ്യ ത്രീഡി ചിത്രമായ മൈഡിയർ കുട്ടിച്ചാത്തൻ ഒരുക്കിയ ജിജോ പുന്നൂസാണ് ബറോസിന് തിരക്കഥ എഴുതിയതെന്ന പ്രത്യേകത കൂടിയുണ്ട്.
Read also: ഫഹദ് ഫാസിൽ-ദിലീഷ് പോത്തൻ കൂട്ടുകെട്ട് വീണ്ടും; ജോജി ടീസർ
