മലപ്പുറം: കനത്ത മഴയിൽ ഭാരതപ്പുഴയുടെ നീരൊഴുക്ക് വർധിച്ചതോടെ അധികൃതർ ജാഗ്രതാ മുന്നറിയിപ്പ് നൽകി. ചമ്രവട്ടം റഗുലേറ്റർ കംബ്രിജിന് അടിയിലൂടെ അതിശക്തമായാണ് വെള്ളം ഒഴുകുന്നത്. പുഴയിൽ ശക്തമായ നീരൊഴുക്കും ഉണ്ട്. ഇതോടെ പുഴയുടെ ഭാഗങ്ങളിൽ ഇറങ്ങുന്നതിനും മറ്റും അധികൃതർ ജാഗ്രതാ മുന്നറിയിപ്പ് നൽകി.
കാലവർഷം കനത്തതോടെ പുഴയിലെ നീരൊഴുക്ക് കൂടിയിരുന്നു. കഴിഞ്ഞ ദിവസങ്ങളിലായി പുഴയുടെ വൃഷ്ടി പ്രദേശങ്ങളിൽ ശക്തമായ മഴയാണ് പെയ്തത്. മഴ കൂടുന്ന സാഹചര്യത്തിൽ പുഴയിൽ വീണ്ടും ജലനിരപ്പ് ഉയരുമെന്നതിനാൽ കരകളിൽ താമസിക്കുന്നവർ കനത്ത ജാഗ്രത പാലിക്കണമെന്ന് അധികൃതർ പറഞ്ഞു.
ഭാരതപ്പുഴയിൽ നീരൊഴുക്ക് കൂടിയതോടെ കാഴ്ചകൾ കാണാനും ഒഴുകി എത്തുന്ന മീനിനെ പിടിക്കാനും നിരവധി പേരാണ് എത്തുന്നത്. എന്നാൽ, നീരൊഴുക്ക് ശക്തമാകുന്നതോടെ ഇത് അപകടങ്ങൾക്ക് കാരണമായി തീരുമെന്നും അധികൃതർ മുന്നറിയിപ്പ് നൽകി.
Read Also: സഭയിൽ വികാരാധീനനായി യെദിയൂരപ്പ; രാജി പ്രഖ്യാപിച്ചു