ഏറെ സവിശേഷതകളുമായി ഷെയിൻ നിഗം നായകനാകുന്ന ‘ഭൂതകാലം’ എന്ന ചിത്രത്തിലെ ലിറിക്കൽ വീഡിയോ പുറത്തിറങ്ങി. ഗാനത്തിന്റെ രചനയും സംഗീത സംവിധാനവും ആലാപനവും നിർവഹിച്ചിരിക്കുന്നത് ഷെയിൻ തന്നെയാണ്.
‘രാ താരമേ..’ എന്ന് തുടങ്ങുന്ന ഗാനത്തിന് മികച്ച പ്രതിപ്രകാരണമാണ് ലഭിക്കുന്നത്. ഷെയിൻ ആദ്യമായാണ് ഗാനരചന, സംഗീത സംവിധാനം, ആലാപനം എന്നിവ നിർവഹിക്കുന്നത്.
അൻവർ റഷീദൊരുക്കുന്ന ‘ഭൂതകാലം’ സംവിധാനം ചെയ്യുന്നത് രാഹുൽ സദാശിവൻ ആണ്. സംവിധായകനും ശ്രീകുമാർ ശ്രേയസും ചേർന്നാണ് തിരക്കഥ ഒരുക്കിയിരിക്കുന്നത്. ഷെയിൻ നിഗം ഫിലിംസിന്റെ സഹകരണത്തോടെ പ്ളാൻ ടി ഫിലിംസ് ആണ് നിർമാണം.
ഷെയ്ൻ നിഗത്തിന് പുറമെ രേവതി, സൈജു കുറുപ്പ്, ജെയിംസ് ഏലിയ, ആതിര പട്ടേൽ എന്നിവരും ചിത്രത്തിൽ മുഖ്യവേഷങ്ങളിൽ ഉണ്ട്.
ഷെഹ്നാദ് ജലാൽ ഛായാഗ്രഹണവും ഗോപി സുന്ദർ പശ്ചാത്തല സംഗീതവും നിർവഹിക്കുന്നു. ഷഫീഖ് മുഹമ്മദ് ആണ് എഡിറ്റർ. പ്രൊഡക്ഷൻ ഡിസൈനർ- മനു ജഗദ്, എക്സിക്യൂട്ടീവ് പ്രൊഡ്യൂസർ- ഏആർ അൻസാർ, ഓഡിയോഗ്രഫി- എൻആർ രാജകൃഷ്ണൻ, സൗണ്ട് ഡിസൈൻ- വിക്കി കിഷൻ, വസ്ത്രാലങ്കാരം- സമീറ സനീഷ്, മേക്കപ്പ്- റോണക്സ് സേവ്യർ.
Most Read: ഇംഗ്ളീഷ് പ്രീമിയർ ലീഗ്; ലിവർപൂളിന് ജയം, ചെൽസിക്ക് സമനിലപ്പൂട്ട്