കേരള ബാങ്കിൽ നടന്നത് വൻ എടിഎം കൊള്ള; കവർച്ചക്കാർ പണം ബിറ്റ്‌ കോയിനാക്കി മാറ്റി

By News Desk, Malabar News
Ajwa Travels

തിരുവനന്തപുരം: കേരള ബാങ്ക് എടിഎമ്മുകളിൽ നടന്നത് വൻ കൊള്ളയെന്ന് പോലീസ് അന്വേഷണത്തിൽ വ്യക്‌തം. ഒൻപത് എടിഎമ്മുകളിൽ നിന്ന് പണം കവർന്നതായി അന്വേഷണത്തിൽ കണ്ടെത്തി.

തിരുവനന്തപുരത്ത് നിന്നടക്കം മൂന്ന് എടിഎമ്മുകളിൽ നിന്നായി 2.64 ലക്ഷം രൂപ കവർന്നു എന്നായിരുന്നു കേരള ബാങ്ക് സൈബർ പോലീസിന് നൽകിയ പരാതിയിൽ പറഞ്ഞിരുന്നത്. ഇതിന്റെ അടിസ്‌ഥാനത്തിൽ നടത്തിയ അന്വേഷണത്തിൽ മൂന്ന് കാസർഗോഡ് സ്വദേശികളെ കഴിഞ്ഞ ദിവസം അറസ്‌റ്റ്‌ ചെയ്‌തിരുന്നു. ഇവരെ ചോദ്യം ചെയ്‌തപ്പോഴാണ് നൂതന സാങ്കേതിക വിദ്യ ഉപയോഗിച്ച് അതിവിദഗ്‌ധമായ കൊള്ളയാണ് നടന്നതെന്ന് വ്യക്‌തമായത്‌.

കൂടുതൽ അന്വേഷണം നടക്കുന്നതിനിടെ ഓരോ ഘട്ടത്തിലും കവർച്ചയുടെ വ്യാപ്‌തി വർധിക്കുകയാണ്. മൂന്ന് എടിഎമ്മുകളിൽ കവർച്ച നടത്തി എന്നതാണ് ഇപ്പോൾ ഒൻപത് എടിഎമ്മുകൾ ആയിരിക്കുന്നത്. 6 ലക്ഷത്തോളം രൂപ പ്രതികൾ കവർന്നെന്ന് ഇപ്പോൾ കണ്ടെത്തിയിട്ടുണ്ട്. ഈ തുക ഇനിയും കൂടിയേക്കാമെന്ന് പോലീസ് പറയുന്നു.

കേസിൽ ഒരാളെ കൂടി പിടികൂടാനുണ്ട്. ഇവർക്ക് കവർച്ച നടത്താനുള്ള സാങ്കേതിക വിദ്യയും കാർഡുകളും നൽകിയത് ഡെൽഹി സ്വദേശിയായ രാഹുൽ എന്നയാളാണെന്ന് കണ്ടെത്തിയിരുന്നു. ഇയാളെ പിടികൂടാനുള്ള ശ്രമങ്ങൾ പോലീസ് നടത്തിവരികയാണ്.

Also Read: കരുത്തറിയിക്കാൻ കർഷക വനിതകൾ; സ്വാതന്ത്ര്യദിനത്തിൽ ട്രാക്‌ടർ പരേഡ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE