പട്ന: ബിഹാര് നിയമസഭ തെരഞ്ഞെടുപ്പില് രാഷ്ട്രീയ ജനതാദള്- കോണ്ഗ്രസ് മഹാസഖ്യം സീറ്റ് ധാരണയിലെത്തി. ദിവസങ്ങള് നീണ്ട ചര്ച്ചകള്ക്കും വിലപേശലുകള്ക്കും ഒടുവിലാണ് സഖ്യം സീറ്റ് ധാരണയിലെത്തുന്നത്.
തെരഞ്ഞെടുപ്പില് ആകെയുള്ള 243 സീറ്റുകളില് ആര്ജെഡി 144 സീറ്റുകളിലും കോണ്ഗ്രസ് 70 സീറ്റുകളിലും മല്സരിക്കും. കൂടാതെ ഇടതുപാര്ട്ടികള് 29 സീറ്റുകളും മല്സരത്തിനായി പങ്കിട്ടെടുത്തു. സിപിഐ (എം-എല്) 19 സീറ്റുകളിലും സിപിഐ 6 സീറ്റുകളിലും സിപിഎം 4 സീറ്റുകളിലുമാണ് മല്സരിക്കുക. വരാനിരിക്കുന്ന ബീഹാര് തെരഞ്ഞെടുപ്പില് രാഷ്ട്രീയ ജനതാദള് 144 സീറ്റുകളില് വിജയിക്കുമെന്ന് ആര്ജെഡി മുഖ്യമന്ത്രി സ്ഥനാര്ത്ഥി തേജശ്വി യാദവ് പ്രഖ്യാപിച്ചു.
അതേസമയം സീറ്റ് വിഭജനത്തില് അതൃപ്തി രേഖപ്പെടുത്തിയ വിഐപി പാര്ട്ടി പത്ര സമ്മേളനത്തിനിടെ ഇറങ്ങിപ്പോയി. സഖ്യം തങ്ങളെ വഞ്ചിച്ചതായും മാദ്ധ്യമങ്ങളെ നാളെ കാണുമെന്നും വിഐപി പാര്ട്ടി നേതാവ് മുകേഷ് സാഹ്നി ആരോപിച്ചു.
#WATCH What is happening with us right now is somewhere backstabbing. I am going out of this alliance and will address media tomorrow: Mukesh Sahni, Vikassheel Insaan Party #BiharElections pic.twitter.com/H3kkIVe5rU
— ANI (@ANI) October 3, 2020
ഒക്ടോബര് 28, നവംബര് മൂന്ന്, നവംബര് ഏഴ് എന്നീ തീയതികളില് മൂന്ന് ഘട്ടങ്ങളായാണ് ബിഹാര് നിയമസഭാ തെരഞ്ഞെടുപ്പ് നടക്കുന്നത്. വോട്ടെണ്ണല് നവംബര് 10ന് നടക്കും.
Read Also: സിവില് സര്വീസ് പ്രിലിമിനറി പരീക്ഷ ഇന്ന് നടക്കും