കണ്ണൂര്: ജില്ലാ പഞ്ചായത്ത് വൈസ് പ്രസിഡണ്ടായി സിപിഎമ്മിലെ ബിനോയ് കുര്യനെ തിരഞ്ഞെടുത്തു. ഇ വിജയന് മാസ്റ്റര് രാജിവെച്ച ഒഴിവിലേക്കാണ് ജില്ലാ കലക്ടര് ടിവി സുഭാഷിന്റെ നിയന്ത്രണത്തില് തിരഞ്ഞെടുപ്പ് നടന്നത്. 24 അംഗ ജില്ലാ പഞ്ചായത്തില് 23 പേരാണ് വോട്ടെടുപ്പില് പങ്കെടുത്തത്. ബിനോയ് കുര്യന് 16 വോട്ടും യുഡിഎഫ് സ്ഥാനാര്ഥി എസ്കെ ആബിദ ടീച്ചര്ക്ക് ഏഴുവോട്ടുമാണ് ലഭിച്ചത്. ക്വാറന്റീനില് ആയിരുന്ന സിപിഎമ്മിലെ തമ്പാന് മാസ്റ്റര് വോട്ടെടുപ്പിൽ പങ്കെടുത്തില്ല. തദ്ദേശ തിരഞ്ഞെടുപ്പിൽ തില്ലങ്കേരി ഡിവിഷനില് നിന്ന് ജനവിധി തേടിയ ബിനോയ് കുര്യൻ നിലവിൽ സിപിഎം ജില്ലാ കമ്മിറ്റി അംഗമാണ്.
Read also: കോൺഗ്രസിൽ ജിഹാദികൾ പിടിമുറുക്കുന്നു; കെ സുരേന്ദ്രൻ