മോദിയുടെ വാരണാസിയിൽ ബിജെപിക്ക് അടിപതറി; 10 വർഷത്തിന് ശേഷം രണ്ട് സീറ്റിൽ തോൽവി

By Trainee Reporter, Malabar News
Ajwa Travels

ലക്‌നൗ: ഉത്തർപ്രദേശിലെ വാരണാസിയിൽ നിയമസഭാ കൗൺസിൽ തിരഞ്ഞെടുപ്പിൽ ബിജെപിക്ക് അവിശ്വനീയ തോൽവി. പ്രധാനമന്ത്രി നരേന്ദ്ര മോദിയുടെ മണ്ഡലമായ ഇവിടെ 2 സീറ്റുകളാണ് ബിജെപിക്ക് നഷ്‌ടമായത്. നീണ്ട 10 വർഷങ്ങൾക്ക് ശേഷമാണ് ബിജെപി ഇവിടെ പരാജയം അറിയുന്നത്. രണ്ടിടത്തും എസ്‌പി സ്‌ഥാനാർഥികളാണ് വിജയിച്ചത്.

നിയമസഭ കൗൺസിലിലേക്ക് വാരണാസി ഡിവിഷനിൽ നിന്ന് അധ്യാപകർക്കും ബിരുദധാരികൾക്കും സംവരണം ചെയ്‌ത സീറ്റുകളിലാണ് ബിജെപിക്ക് തോൽവി. ബിരുദധാരികളുടെ സീറ്റിൽ അശുതോഷ് സിൻഹയും അധ്യാപരുടെ സീറ്റിൽ ലാൽ ബിഹാരി യാദവും നേട്ടം കൊയ്‌തു.

11 സീറ്റുകളിലേക്കാണ് കഴിഞ്ഞ ദിവസം തിരഞ്ഞെടുപ്പ് നടന്നത്. ഇതിൽ ഫലം വന്ന 9 സീറ്റുകളിൽ ബിജെപി നാലിടത്തും എസ്‌പി മൂന്ന് സീറ്റുകളിലും ജയിച്ചു. സ്വതന്ത്ര്യർ രണ്ടിടത്തും വിജയം നേടി. ബിജെപിയുടെ ശക്‌തികേന്ദ്രത്തിൽ നേടിയ വിജയം എസ്‌പിക്കും അപ്രതീക്ഷിതമാണ്.

കഴിഞ്ഞ ദിവസം മഹാരാഷ്‌ട്ര നിയമസഭാ കൗൺസിൽ തിരഞ്ഞെടുപ്പിൽ ആർഎസ്എസ് ശക്‌തികേന്ദ്രമായ നാഗ്‌പൂരിലും ബിജെപി കനത്ത തിരിച്ചടിയേറ്റിരുന്നു. 58 വർഷത്തെ തുടർവിജയത്തിന് ശേഷമാണ് ബിജെപി കഴിഞ്ഞ ദിവസം നാഗ്‌പൂരിൽ തോൽവി അറിഞ്ഞത്.

Read also: കേരളത്തിലെ ജയിലുകൾ കോവിഡ് വ്യാപന കേന്ദ്രങ്ങളെന്ന് സുപ്രീം കോടതിയിൽ ഹരജി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE