ചോദ്യമുനകൾക്ക് മുന്നിൽ സുരേന്ദ്രൻ; പുനഃസംഘടനക്ക് സാധ്യത

By News Desk, Malabar News
Ajwa Travels

തിരുവനന്തപുരം: സംസ്‌ഥാനത്ത്‌ ബിജെപി പൂജ്യമായത് എങ്ങനെയെന്ന് കേന്ദ്ര നേതൃത്വത്തോട് വിശദീകരിക്കുമെന്ന പ്രതിസന്ധിയിലാണ് ബിജെപി സംസ്‌ഥാന അധ്യക്ഷൻ കെ സുരേന്ദ്രനും കേന്ദ്രമന്ത്രി വി മുരളീധരനും. സ്‌ഥാനാർഥി നിർണയത്തിൽ ഉൾപ്പടെ വന്ന പാളിച്ചകൾ ചൂണ്ടിക്കാട്ടി മുരളീധര വിരുദ്ധ പക്ഷം രംഗത്തിറങ്ങുമെന്നാണ് വിവരം. സംസ്‌ഥാന സമിതി പുനഃസംഘടനക്കും സാധ്യതയേറി.

ദേശീയ നേതൃത്വത്തിന്റെ പ്രചാരണം, കണക്കില്ലാതെ പണം എന്നിങ്ങനെ ഒരു കുറവുമില്ലാതെയാണ് കേന്ദ്രം ബിജെപി സംസ്‌ഥാന ഘടകത്തിന് പിന്തുണ നൽകിയത്. പ്രധാനമന്ത്രി നരേന്ദ്രമോദിയും അമിത് ഷാ ഉൾപ്പടെയുള്ള മുതിർന്ന കേന്ദ്രമന്ത്രിമാരും മുഖ്യമന്ത്രിമാരും കേരളത്തിലുടനീളം ബിജെപിക്കായി രംഗത്തെത്തി. സംസ്‌ഥാന നേതൃത്വത്തെയും കേന്ദ്രമന്ത്രി വി മുരളീധരനെയും വിശ്വസിച്ചായിരുന്നു കേന്ദ്ര നേതൃത്വത്തിന്റെ പിന്തുണ. എന്നിട്ടും ആകെയുണ്ടായിരുന്ന ഒരു സീറ്റ് കൂടി കളഞ്ഞുകുളിച്ചു.

കഷ്‌ടപ്പെട്ട് തുറന്ന അക്കൗണ്ട് എങ്ങനെ പോയി, സാധ്യതയുള്ള മണ്ഡലങ്ങളിലെ ജയസാധ്യത കുറയാൻ കാരണമെന്ത് എന്നിങ്ങനെ നിരവധി ചോദ്യങ്ങൾക്ക് സംസ്‌ഥാന നേതൃത്വം ഉത്തരം പറയേണ്ടി വരും. അതേസമയം, തോൽവിയെ കുറിച്ച് വിശദമായി വിലയിരുത്തുമെന്നാണ് സുരേന്ദ്രന്റെ പ്രതികരണം.

Also Read: തിരഞ്ഞെടുപ്പ് തോൽവി; രാജി സന്നദ്ധത അറിയിച്ച് കെപിസിസി പ്രസിഡണ്ട്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE