മലപ്പുറം: പെരിന്തൽമണ്ണയിൽ മുഖ്യമന്ത്രി പിണറായി വിജയനെതിരെ കരിങ്കൊടി പ്രതിഷേധം. കൃഷി വകുപ്പിന്റെ പരിപാടിയിൽ പങ്കെടുക്കാനായി പോകുന്നതിനിടെ കോഴിക്കോട്-പാലക്കാട് ദേശീയ പാതയിൽ ജില്ലാ ആശുപത്രിക്ക് സമീപം ഇന്ന് രാവിലെ 11 മണിക്കാണ് സംഭവം. യുഡിഎഫ് പ്രവർത്തകരാണ് കരിങ്കൊടി വീശിയത്.
താനൂർ ബോട്ടപകടത്തിൽ കുറ്റക്കാരെ സംരക്ഷിക്കുന്നതിലും റോഡ് ക്യാമറ അഴിമതിയിലും പ്രതിഷേധിച്ചുമാണ് കരിങ്കൊടി കാട്ടിയത്. അതേസമയം, വളാഞ്ചേരി കാടാമ്പുഴയിൽ ഏഴു കോൺഗ്രസ് പ്രവർത്തകരെ പോലീസ് കരുതൽ തടങ്കലിലാക്കി. ഇവിടെ കാടാമ്പുഴ ക്ഷേത്രത്തിന്റെ ഡയാലിസിസ് കേന്ദ്രം ഉൽഘാടനത്തിന് മുഖ്യമന്ത്രി എത്തുന്നതിന് മുന്നോടിയായാണ് പോലീസ് നടപടി.
Most Read: ജിഷ വധം, ആറ്റിങ്ങൽ ഇരട്ടക്കൊല; വധശിക്ഷ പുനഃപരിശോധിക്കാൻ ഹൈക്കോടതി
