നാദാപുരം: കല്ലാച്ചിയിൽ കോൺഗ്രസ് മണ്ഡലം കമ്മിറ്റി ഓഫീസിനു നേരെ ബോംബേറ്. കോടതി റോഡിലെ ഓഫീസിലേക്കാണ് ഇന്നലെ രാത്രി 9.30 ഓടെ ആക്രമണമുണ്ടായത്. കെട്ടിടത്തിന്റെ മുകളിൽ പതിച്ച സ്ഫോടക വസ്തു ഉഗ്രശബ്ദത്തോടെ പൊട്ടിത്തെറിക്കുകയായിരുന്നു. ഓഫീസിന്റെ കോൺക്രീറ്റ് ഭാഗങ്ങളിൽ വിള്ളലുണ്ടാവുകയും നാശനഷ്ടങ്ങൾ ഉണ്ടാവുകയും ചെയ്തതായാണ് റിപ്പോർട്ടുകൾ.
നാദാപുരം പോലീസ് സ്ഥലത്തെത്തി പരിശോധന നടത്തി. തിരുവനന്തപുരം വെഞ്ഞാറമൂട് രണ്ട് ഡിവൈഎഫ്ഐ പ്രവർത്തകർ കൊല്ലപ്പെട്ടതിന് ശേഷം സംസ്ഥാനത്തെ പലയിടത്തും സംഘർഷങ്ങൾ ഉണ്ടായിട്ടുണ്ട്. കേസിൽ കൂടുതൽ കോൺഗ്രസ് പ്രവർത്തകർ അറസ്റ്റ് ചെയ്യപ്പെടുകയും ചെയ്തതോടെ ഇന്നലെ മുതൽ പ്രതിഷേധം ശക്തമായിരുന്നു.