കോഴിക്കോട്: കിഴക്കന്‍ പേരാമ്പ്രയില്‍ ലീഗ് ഓഫീസിന് നേരെ ബോംബേറ്. ഇന്ന് പുലര്‍ച്ചെ 2.15നാണ് ഓഫീസിന് നേരെ ആക്രമണം നടന്നത്. അതേസമയം ആക്രമണത്തിന് പിന്നില്‍ സിപിഎം ആണെന്ന് മുസ്‌ലിം ലീഗ് ആരോപിച്ചു. പോലീസ് സംഭവ സ്‌ഥലത്തെത്തി പരിശോധന നടത്തി.
കഴിഞ്ഞ ദിവസം ഏതാനും ലീഗ് പ്രവര്‍ത്തകര്‍ സിപിഎമ്മിന്റെ കൊടിമരം നശിപ്പിച്ചതായി പരാതി ഉയര്‍ന്നിരുന്നു. ഇതിന്റെ പ്രതിഫലനമാണ് ആക്രമണമെന്നാണ് നാട്ടുകാര്‍ പറയുന്നത്. രണ്ട് ബൈക്കുകളില്‍ എത്തിയവരാണ് ബോംബെറിഞ്ഞതെന്നും നാട്ടുകാര്‍ പറയുന്നു.
സംഭവത്തിന് പിന്നില്‍ സിപിഎം ആണെന്ന് മുസ്‌ലിം ലീഗും ആരോപിക്കുന്നു. പ്രദേശത്തെ കനാലിനടുത്ത് കഴിഞ്ഞ ഏതാനും മാസം മുമ്പ് ബോബ് പൊട്ടുകയും മറ്റൊന്ന് സമീപത്തനിന്നും കണ്ടെത്തുകയും ചെയ്‌തിരുന്നു. എന്നാല്‍ ഈ സംഭവത്തില്‍ ആരെയും പിടികൂടാന്‍ പോലീസിന് കഴിഞ്ഞിട്ടില്ലെന്നും ആക്ഷേപമുണ്ട്. അതേസമയം ഇന്ന് നടന്ന ബോംബേറില്‍ ആളപായമില്ല.
Malabar News: തില്ലങ്കേരി ജില്ലാപഞ്ചായത്ത് തിരഞ്ഞെടുപ്പ്; കള്ളവോട്ട് തടയാന്‍ ശക്‌തമായ നടപടിക്ക് നിര്‍ദേശം
