കോഴിക്കോട്: കോഴിക്കോട് സൗത്തിലെ മുസ്‌ലിം ലീഗ് സ്‌ഥാനാർഥി അഡ്വ. നൂർബിന റഷീദിനെതിരായ ഉയർന്ന പ്രതിഷേധം അയഞ്ഞു. മണ്ഡലത്തിൽ നൂർബിന റഷീദിനെ അംഗീകരിക്കുന്നെന്ന് പ്രതിഷേധവുമായി രംഗത്തെത്തിയ മണ്ഡലം കമ്മിറ്റി ഭാരവാഹികൾ പറഞ്ഞു.
കോഴിക്കോട് സൗത്തിൽ ലീഗ് സ്‌ഥാനാർഥിയായി നൂർബിന റഷീദിനെ ഇന്നലെ പ്രഖ്യാപിച്ചതിന് പിന്നാലെ, ഇതിനെതിരെ മണ്ഡലം കമ്മിറ്റി രംഗത്തെത്തുക ആയിരുന്നു. നൂർബിനയുടെ സ്‌ഥാനാർഥിത്വം അംഗീകരിക്കാൻ കഴിയില്ലെന്നായിരുന്നു ഭാരവാഹികൾ അറിയിച്ചത്.
യോഗം ചേർന്ന് നൂർബിനയുടെ സ്‌ഥാനാർഥിത്വത്തെ എതിർക്കാനും മണ്ഡലം കമ്മിറ്റി തീരുമാനിച്ചിരുന്നു. സംഭവം വിവാദമായതോടെ ലീഗ് നേതൃത്വം വിഷയത്തിൽ ഇടപെടുകയും പ്രശ്‌നം പരിഹരിക്കുകയും ആയിരുന്നു. ഇന്നലെ പുറത്തുവിട്ട ലീഗ് പട്ടികയിലെ ഏക വനിതാ സ്‌ഥാനാർഥിയാണ് നൂർബിന റഷീദ്.
Malabar News: വാളയാറിൽ നവജാത ശിശുവിനെ വഴിയിൽ ഉപേക്ഷിച്ചു; അമ്മ കസ്‌റ്റഡിയിൽ
