തിരുവനന്തപുരം : എൻസിപി നേതാവ് മാണി സി കാപ്പനെതിരെ വഞ്ചനാക്കുറ്റത്തിന് കേസെടുത്ത് കോടതി. എറണാകുളം ഫസ്‌റ്റ് ക്ളാസ് മജിസ്‌ട്രേറ്റ് കോടതിയാണ് അദ്ദേഹത്തിനെതിരെ കേസെടുത്തത്. കണ്ണൂർ വിമാനത്താവളത്തിന്റെ ഓഹരി നൽകാമെന്ന് വാഗ്‌ദാനം ചെയ്‌ത്‌ മൂന്നേകാൽ കോടി രൂപ തട്ടിയെന്ന പരാതിയുടെ അടിസ്‌ഥാനത്തിലാണ്‌ മാണി സി കാപ്പനെതിരെ കേസ് രജിസ്‌റ്റർ ചെയ്‌തത്‌.
മുംബൈ മലയാളിയായ ദിനേശ് മേനോനാണ് മാണി സി കാപ്പനെതിരെ വഞ്ചനാക്കുറ്റം ആരോപിച്ച് പരാതി നൽകിയത്. ഈ പരാതിയുടെ അടിസ്‌ഥാനത്തിൽ വഞ്ചന, ഗൂഢാലോചന എന്നീ കുറ്റങ്ങൾ ചുമത്തിയാണ് മാണി സി കാപ്പനെതിരെ കോടതി കേസെടുത്തത്. തുടർന്ന് കോടതിയിൽ ഹാജരാകണമെന്ന് ആവശ്യപ്പെട്ടുകൊണ്ട് അദ്ദേഹത്തിന് കോടതി നോട്ടീസ് അയച്ചിട്ടുണ്ട്.
Read also : മെട്രോമാൻ വാക്ക് പാലിച്ചു; പൊന്നാനിക്ക് വേണ്ടി ‘പണിതുടങ്ങി’
