വാളയാർ കേസ്; സംസ്‌ഥാന സർക്കാരിന്റേത് വിജ്‌ഞാപനം മാത്രമെന്ന് കേന്ദ്രം ഹൈക്കോടതിയിൽ

By Team Member, Malabar News
kerala high court
Representational image
Ajwa Travels

തിരുവനന്തപുരം : വാളയാർ കേസിൽ സംസ്‌ഥാന സർക്കാർ പുറത്തിറക്കിയത് വിജ്‌ഞാപനം മാത്രമാണെന്ന് വ്യക്‌തമാക്കി കേന്ദ്രം ഹൈക്കോടതിയിൽ. കേസിൽ തുടരന്വേഷണമാണോ, പുനരന്വേഷണമാണോ എന്ന് സർക്കാർ കൃത്യമായി വ്യക്‌തമാക്കിയിട്ടില്ലെന്നും കേന്ദ്രം കോടതിയെ അറിയിച്ചു. കൂടാതെ എഫ്ഐആറും, അനുബന്ധ രേഖകളും ഇതുവരെ ഹാജരാക്കിയിട്ടില്ലെന്നും കേന്ദ്രം വ്യക്‌തമാക്കി.

ഇത്തരത്തിൽ കാര്യങ്ങൾ കൃത്യമായി വ്യക്‌തമാക്കിയില്ലെങ്കിൽ അത് പ്രതികൾക്ക് ഗുണം ചെയ്യുമെന്ന് കേന്ദ്രം അറിയിച്ചു. എന്നാൽ ഇത്തരം കാര്യങ്ങൾ ഉൾപ്പെടുത്താതെ തന്നെ പല കേസുകളും സിബിഐ ഏറ്റെടുത്തിട്ടുണ്ടെന്ന് സംസ്‌ഥാന സർക്കാർ വ്യക്‌തമാക്കി.

പാലക്കാട് ജില്ലയിലെ വാളയാറിൽ സഹോദരിമാരായ പെൺകുട്ടികളെ തൂങ്ങിമരിച്ച നിലയിൽ കണ്ടെത്തിയ കേസിൽ സംസ്‌ഥാന സർക്കാർ സിബിഐ അന്വേഷണത്തിന് ഉത്തരവിട്ടിരുന്നു. കൂടാതെ കേസിലെ പ്രതികളെ വെറുതെ വിട്ട വിചാരണക്കോടതിയുടെ നടപടി ഹൈക്കോടതി റദ്ദാക്കി. ഇതിന് പിന്നാലെ പുനരന്വേഷണത്തിനുളള സംസ്‌ഥാന സർക്കാരിന്റെ വിജ്‌ഞാപനം ആഭ്യന്തര മന്ത്രാലയത്തിന്റെ പക്കലാണെന്ന് കേന്ദ്രസർക്കാർ അന്ന് ഹൈക്കോടതിയിൽ വ്യക്‌തമാക്കി. ഒപ്പം തന്നെ വിജ്‌ഞാപനത്തിൽ വൈകാതെ തീരുമാനമെടുക്കുമെന്നും കേന്ദ്രസർക്കാർ അന്ന് ഹൈക്കോടതിയെ അറിയിച്ചിരുന്നു.

Read also : താജ്‌മഹലിന് വ്യാജ ബോംബ് ഭീഷണി; ഒരാൾ അറസ്‌റ്റിൽ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE