ന്യൂഡെൽഹി: പ്രധാനമന്ത്രി ഗരീബ് കല്യാൺ അന്ന യോജന (പിഎംജികെഎവൈ) 2022 സെപ്റ്റംബർ വരെ നീട്ടുന്നതായി പ്രധാനമന്ത്രി നരേന്ദ്ര മോദി. “ഇന്ത്യയുടെ ശക്തി രാജ്യത്തെ ഓരോ പൗരന്റെയും ശക്തിയിലാണ്. ഈ ശക്തിയെ കൂടുതൽ ശക്തിപ്പെടുത്തുന്നതിന്, 2022 സെപ്റ്റംബർ വരെ ആറ് മാസം കൂടി പ്രധാനമന്ത്രി ഗരീബ് കല്യാൺ അന്ന യോജന തുടരാൻ കേന്ദ്ര സർക്കാർ തീരുമാനിച്ചു. രാജ്യത്തെ 80 കോടിയിലധികം ആളുകൾക്ക് ഇത് പഴയതുപോലെ പ്രയോജനപ്പെടുത്താൻ കഴിയും,”- പ്രധാനമന്ത്രി ട്വീറ്റിൽ പറഞ്ഞു.
ശനിയാഴ്ച പ്രധാനമന്ത്രി മോദിയുടെ നേതൃത്വത്തിൽ ചേർന്ന കേന്ദ്രമന്ത്രിസഭാ യോഗത്തിന് ശേഷമാണ് തീരുമാനം. ഏകദേശം 80 കോടി ആളുകൾക്ക് അടുത്ത ആറ് മാസത്തേക്ക് ഈ പദ്ധതിയുടെ പ്രയോജനം തുടർന്നും ലഭിക്കും. കോവിഡ് മഹാമാരി പൊട്ടിപ്പുറപ്പെട്ടതിന് ശേഷം 2020 മാർച്ചിലാണ് കേന്ദ്രം പിഎംജികെഎവൈ ആരംഭിച്ചത്.
പദ്ധതി പ്രകാരം, പൊതുവിതരണ സംവിധാനത്തിലൂടെ ആവശ്യമുള്ള പൗരൻമാർക്ക് സൗജന്യ ഭക്ഷ്യധാന്യം നൽകുന്നു. അന്ത്യോദയ അന്ന യോജന പദ്ധതി വഴി രേഖപ്പെടുത്തിയ എല്ലാ റേഷൻ കാർഡ് ഉടമകൾക്കും പദ്ധതിയുടെ പ്രയോജനം ലഭിക്കും.
भारतवर्ष का सामर्थ्य देश के एक-एक नागरिक की शक्ति में समाहित है। इस शक्ति को और मजबूती देने के लिए सरकार ने प्रधानमंत्री गरीब कल्याण अन्न योजना को छह महीने और बढ़ाकर सितंबर 2022 तक जारी रखने का निर्णय लिया है। देश के 80 करोड़ से अधिक लोग पहले की तरह इसका लाभ उठा सकेंगे। pic.twitter.com/gasprUJIhK
— Narendra Modi (@narendramodi) March 26, 2022
Most Read: തിരഞ്ഞെടുപ്പ് കഴിഞ്ഞു; വാക്സിൻ സർട്ടിഫിക്കറ്റിൽ മോദിയുടെ ചിത്രം തിരികെ വരുന്നു