ചെന്നൈ: സംസ്‌ഥാനത്ത് അടുത്ത രണ്ട് ദിവസം മഴ പെയ്യുമെന്ന് മുന്നറിയിപ്പ് നൽകി കേന്ദ്ര കാലാവസ്‌ഥാ വകുപ്പ് (ഐഎംഡി) ചെന്നൈ ഡയറക്‌ടർ ജനറൽ എസ് ബാലചന്ദ്രൻ. അടുത്ത രണ്ട് ദിവസങ്ങളിൽ തമിഴ്‌നാടിന്റെ ചില ഭാഗങ്ങളിൽ കനത്ത മഴയ്‌ക്ക് സാധ്യതയുണ്ടെന്ന് അദ്ദേഹം അറിയിച്ചു.
നാല് ജില്ലകളിൽ മഴ കനത്തേക്കും. തിരുനെൽവേലി, തൂത്തുക്കുടി, രാമനാഥപുരം, വിരുദുനഗർ ജില്ലകളിലാണ് കനത്ത മഴ പ്രവചിച്ചിരിക്കുന്നത്. മറ്റിടങ്ങളിൽ മിതമായ മഴ ലഭിച്ചേക്കുമെന്നും മുന്നറിയിപ്പിൽ പറയുന്നു.
തെക്ക്- പടിഞ്ഞാറൻ മൺസൂൺ പിൻമാറിയപ്പോൾ വടക്ക്- കിഴക്കൻ മൺസൂൺ തമിഴ്‌നാട്ടിൽ എത്തിയിരിക്കുകയാണ്. ജൂൺ മുതൽ സെപ്റ്റംബർ വരെ റെക്കോർഡ് മഴയാണ് തമിഴ്‌നാട്ടിൽ ലഭിച്ചത്. മുൻ വർഷത്തിൽ നിന്നും 24 ശതമാനം വർധനവാണ് രേഖപ്പെടുത്തിയത്. പിന്നാലെ ഒക്‌ടോബർ 1 മുതൽ 18 സെന്റീ മീറ്റർ മഴയാണ് തമിഴ്‌നാട്ടിൽ രേഖപ്പെടുത്തിയതെന്നും കാലാവസ്‌ഥാ വകുപ്പ് അറിയിച്ചു.
അതേസമയം മൽസ്യത്തൊഴിലാളികൾ കടലിൽ പോകുന്നതിന് വിലക്ക് ഏർപ്പെടുത്തിയിട്ടില്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
