അബുദാബി: മക്കളുടെ സ്‌കൂൾ യാത്ര വീട്ടിലിരുന്ന് രക്ഷിതാക്കൾക്കു നിരീക്ഷിക്കാവുന്ന സംവിധാനത്തിന് അബുദാബിയിൽ തുടക്കമായി. ‘തവക്കുൽ ആപ്പ്’ വഴി സ്‌കൂളിലേക്കും തിരിച്ചുമുള്ള യാത്ര നിരീക്ഷിക്കാം. ബസിൽ കയറുന്നതു മുതൽ സ്‌കൂളിലും വീട്ടിലും എത്തുന്ന സമയം വരെയുള്ള കാര്യങ്ങൾ ഇതുവഴി രക്ഷിതാക്കൾക്ക് അറിയാൻ സാധിക്കും.
സ്‌കൂൾ ബസ് സ്‌ഥിരം റൂട്ടിൽനിന്ന് മാറിയാലും നിശ്‌ചിത സമയത്തിൽ കൂടുതൽ നിർത്തിയിട്ടാലും സ്‌റ്റോപ് മാറി കുട്ടികൾ ഇറങ്ങിയാലും ബസ് മാറി കയറിയാലും ഈ ആപ്പ് വഴി അറിയാനാകും. ബസിൽ കയറുമ്പോഴും ഇറങ്ങുമ്പോഴും സ്‌മാർട് റീഡിങ് എടുക്കുന്നതിനാൽ കൃത്യസമയത്ത് വീട്ടിലെത്തുന്നുണ്ടോ എന്നും പരിശോധിക്കാം. കൂടാതെ ക്‌ളാസിൽ കുട്ടികൾ ഹാജരായില്ലെങ്കിൽ മുന്നറിയിപ്പു നൽകുന്ന സംവിധാനവും ആപ്പിലുണ്ട്.
‘നിങ്ങളുടെ കുട്ടികൾ സുരക്ഷിതരാണ്’ എന്ന പ്രമേയത്തിലുള്ള സർക്കാർ, സ്വകാര്യ മേഖലയിലെ 6000ത്തിലേറെ ബസുകൾ ഇതിനോടകം ഡിജിറ്റൽവൽകരിച്ചു. ഷാർജ വിദ്യാഭ്യാസ അതോറിറ്റിയുടെ സഹകരണത്തോടെ എമിറേറ്റ്സ് ട്രാൻസ്‌പോർട് ആണ് സ്‌കൂൾ ബസുകൾ ഡിജിറ്റൽ സംവിധാനം ഒരുക്കിയത്.
Most Read: ഹത്തയിൽ വൻ ടൂറിസം പദ്ധതിയുമായി ദുബായ് ഭരണകൂടം
