കൊച്ചി: ലിജോ ജോസ് പെല്ലിശ്ശേരിയുടെ മലയാളം സിനിമ ചുരുളിക്ക് പോലീസിന്റെ ക്ളീന് ചിറ്റ്. സിനിമയിലെ സംഭാഷണങ്ങളും ദൃശ്യങ്ങളും അവസരത്തിന് യോജിക്കുന്നതാണ്. സംഭാഷണങ്ങളിലോ ദൃശ്യങ്ങളിലോ അപകീര്ത്തികരമായി ഒന്നുമില്ല. ഹൈക്കോടതി നിര്ദേശപ്രകാരമാണ് പോലീസ് സമിതി സിനിമ പരിശോധിച്ചത്. സിനിമയിലെ ഗ്രാമം സാങ്കല്പികമാണ്. എഡിജിപി പത്മകുമാര് സമിതി ഡിജിപിക്ക് റിപ്പോര്ട് കൈമാറി.
ചുരുളി സിനിമയിലെ ഭാഷാപ്രയോഗം ചൂണ്ടിക്കാട്ടി ചിത്രം ഒടിടിയില് നിന്ന് നീക്കം ചെയ്യണമെന്ന് ആവശ്യപ്പെട്ട് സ്വകാര്യ വ്യക്തി ഹൈക്കോടതിയില് ഹരജി നല്കിയിരുന്നു. ഇതിന്റെ അടിസ്ഥാനത്തിലാണ് വിഷയം പരിശോധിക്കാന് കോടതി പോലീസിന് നിര്ദേശം നല്കിയത്.
Read also: കോട്ടയത്തെ ഷാൻ വധം; മനുഷ്യാവകാശ കമ്മീഷൻ കേസെടുത്തു