ന്യൂഡെൽഹി: സ്റ്റാൻഡ് അപ്പ് കൊമേഡിയൻ കുണാൽ കമ്രക്കും കാർട്ടൂണിസ്റ്റ് രചിത തനേജക്കും എതിരായ കോടതി അലക്ഷ്യ ഹർജികളിൽ സുപ്രീം കോടതി നോട്ടീസ് അയച്ചു. ജസ്റ്റിസ് അശോക് ഭൂഷൺ അധ്യക്ഷനായ ബെഞ്ചാണ് നോട്ടീസ് അയച്ചത്. ഇരുവരും ആറ് ആഴ്ചക്കുള്ളിൽ മറുപടി നൽകണം.
റിപ്പബ്ളിക്ക് ടിവി എഡിറ്റർ എൻ ചീഫ് അർണബ് ഗോസ്വാമിക്ക് ജാമ്യം നൽകിയതുമായി ബന്ധപ്പെട്ട് സുപ്രീം കോടതിയെ ആക്ഷേപിച്ച് ട്വീറ്റ് ചെയ്തതിനാണ് കുണാൽ കമ്രക്കെതിരായ കോടതി അലക്ഷ്യ ഹരജി.
ബിജെപിയുമായി കോടതി സഹകരിക്കുന്നു എന്നാരോപിച്ച് വരച്ച കാർട്ടൂണിനാണ് രചിത തനേജക്കെതിരായ കോടതി അലക്ഷ്യ ഹരജി. ഇരുവർക്കും എതിരായ കോടതി അലക്ഷ്യ നടപടികൾക്ക് നേരത്തെ അറ്റോർണി ജനറൽ കെകെ വേണുഗോപാൽ അനുമതി നൽകിയിരുന്നു.
Read Also: ഒൻപതിൽ അധികം സിം കാർഡുള്ളവർ തിരിച്ചേൽപ്പിക്കണം; കേന്ദ്ര സർക്കാർ