അബുദാബി: യുഎഇയില്‍ കോവിഡ് രോഗം വീണ്ടും വര്‍ധിക്കുന്നു. പ്രതിദിന കോവിഡ് കേസുകളില്‍ ഇന്നാണ് ഏറ്റവും കൂടിയ കണക്കുകള്‍ രേഖപ്പെടുത്തിയത്. 1578 പേര്‍ക്കാണ് ഇന്ന് രോഗബാധ സ്‌ഥിരീകരിച്ചത്. രാജ്യത്ത് ഇതുവരെയുള്ള ഏറ്റവും ഉയര്‍ന്ന രോഗബാധയാണ് ഇന്ന് റിപ്പോര്‍ട്ട് ചെയ്‌തത്. 1550 പേര്‍ രോഗമുക്തി നേടി.
ചികിൽസയിൽ ഇരുന്ന രണ്ട് പേര്‍ കൂടി ഇന്ന് മരണപ്പെട്ടു. രാജ്യത്തെ ആകെ കോവിഡ് ബാധിതരുടെ എണ്ണം 120,710 ആയി.ഇതില്‍ 113,364 പേര്‍ രോഗമുക്തി നേടി. 6872 പേര്‍ നിലവില്‍ ചികില്‍സയില്‍ കഴിയുന്നുണ്ട് .
ആകെ മരണം 474 ആണ്. 114,483 കോവിഡ് പരിശോധനകളാണ് പുതുതായി നടത്തിയത്. ഇതുവരെ 12.1 ദശലക്ഷത്തില്‍ അധികം കോവിഡ് പരിശോധനകളാണ് നടത്തിയതെന്ന് ആരോഗ്യ മന്ത്രാലയം വ്യക്‌തമാക്കുന്നു.
രാജ്യത്ത് പ്രധാന വരുമാനായ ടൂറിസം അടക്കമുള്ള മേഖലകള്‍ തുറന്നു കൊടുത്തിരുന്നു. കോവിഡ് നിയന്ത്രണങ്ങള്‍ പാലിച്ചുകൊണ്ട് പല സ്‌ഥാപനങ്ങളും പ്രവര്‍ത്തിക്കാന്‍ തുടങ്ങുകയും ചെയ്‌തിരുന്നു.
Read Also: സൗദിയില്‍ വീണ്ടും അംബാസിഡര്‍ പദവിയില്‍ വനിതയെ നിയമിച്ചു
