ഭോപ്പാൽ: കോവിഡ് വ്യാപനത്തെ തുടർന്ന് മധ്യപ്രദേശിലെ നഗരഭാഗങ്ങളിൽ ലോക്ക്ഡൗൺ ഏർപ്പെടുത്തി. വെള്ളിയാഴ്‌ച വൈകിട്ട് 6 മുതൽ തിങ്കളാഴ്‌ച രാവിലെ 6 വരെയാണ് ലോക്ക്ഡൗൺ. മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനാണ് ലോക്ക്ഡൗൺ പ്രഖ്യാപിച്ചത്.
മധ്യപ്രദേശിലെ നഗരങ്ങളിൽ വെള്ളിയാഴ്‌ച വൈകിട്ട് 6 മുതൽ തിങ്കളാഴ്‌ച രാവിലെ 6 വരെ ലോക്ക്ഡൗൺ പ്രഖ്യാപിക്കുകയാണ്. നഗരങ്ങളിൽ കോവിഡ് വ്യാപനമുള്ള പ്രദേശങ്ങളെ കണ്ടൈയ്ൻമെന്റ് സോണുകളാക്കിയും തരം തിരിക്കും. സമ്പൂർണ ലോക്ക്ഡൗൺ ഏർപ്പെടുത്താതിരിക്കാനാണ് ശ്രമിക്കുന്നത്, മുഖ്യമന്ത്രി ശിവരാജ് സിംഗ് ചൗഹാൻ പറഞ്ഞു.
4,043 പേർക്കാണ് കഴിഞ്ഞ ദിവസം മധ്യപ്രദേശിൽ കോവിഡ് സ്‌ഥിരീകരിച്ചത്‌. 13 പേർ രോഗം ബാധിച്ച് മരിക്കുകയും ചെയ്‌തിരുന്നു.
Read also: തിരഞ്ഞെടുപ്പിന് ശേഷം സിപിഎമ്മിന്റെ അഴിഞ്ഞാട്ടം; മുന്നറിയിപ്പുമായി കെ സുരേന്ദ്രൻ
