അഹമ്മദാബാദ്: കോവിഡ് കേസുകൾ കുറയുന്ന സാഹചര്യം കണക്കിലെടുത്ത് ഗുജറാത്തിൽ ഒക്‌ടോബർ 30 മുതൽ രാത്രി കർഫ്യൂ 1 മണി മുതൽ രാവിലെ 5 മണി വരെയാക്കി കുറച്ചു. നേരത്തെ 12 മണി മുതൽ രാവിലെ 6 വരെയായിരുന്നു കർഫ്യൂ. രാജ്യത്ത് കഴിഞ്ഞ കുറച്ചു ദിവസങ്ങളായി കോവിഡ് രോഗികളുടെ എണ്ണത്തിൽ കാര്യമായ കുറവ് റിപ്പോർട് ചെയ്‌തിരുന്നു. ഗുജറാത്തിലും ആശങ്ക ഒഴിയുകയാണ്. ഈ സാഹചര്യത്തിലാണ് പുതിയ തീരുമാനം.
അതേസമയം, നവംബറിൽ 30 കോടി വാക്‌സിൻ ഡോസുകൾ രാജ്യത്ത് ലഭ്യമാക്കുമെന്ന് കേന്ദ്ര ആരോഗ്യ മന്ത്രാലയം വ്യക്‌തമാക്കി. 22 കോടി ഡോസ് കോവിഷീൽഡും 6 കോടി കൊവാക്‌സിനും 2 കോടി സൈഡസ് കാഡിലായും രാജ്യത്ത് വിതരണം ചെയ്യുമെന്നാണ് മന്ത്രാലയം അറിയിച്ചത്. കഴിഞ്ഞ ദിവസം മാത്രം 66 ലക്ഷത്തിലേറെ വാക്‌സിൻ ഡോസുകളാണ് വിതരണം ചെയ്‌തതെന്നും കേന്ദ്ര ആരോഗ്യ മന്ത്രാലയം അറിയിച്ചു.
Read Also: ‘സിനിമകൾ ആദ്യം പ്രദർശിപ്പിക്കേണ്ടത് തീയേറ്ററിൽ’; മന്ത്രി സജി ചെറിയാൻ
