ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 17,921 പേർക്ക് കൂടി കോവിഡ് രോഗം സ്ഥിരീകരിച്ചു. 20,652 പേർ രോഗമുക്തി നേടി. 133 കോവിഡ് മരണങ്ങളും റിപ്പോർട് ചെയ്തതായി കേന്ദ്ര ആരോഗ്യമന്ത്രാലയം അറിയിച്ചു. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 1,12,62,707 ആയി. 1,09,20,046 പേർ രോഗമുക്തി നേടി. 1,84,598 സജീവ കോവിഡ് രോഗികളാണ് ഇന്ത്യയിലുള്ളത്. 1,58,063 കോവിഡ് മരണങ്ങളും രാജ്യത്ത് റിപ്പോർട് ചെയ്തിട്ടുണ്ട്.
അതേസമയം, 2.6 കോടിയിലധികം ആളുകൾ ഇതുവരെ വാക്സിൻ സ്വീകരിക്കുന്നതിനായി രാജ്യത്ത് രജിസ്റ്റർ ചെയ്തിട്ടുണ്ടെന്ന് കണക്കുകൾ സൂചിപ്പിക്കുന്നു. ഇതിൽ 75 ശതമാനം പേരും കോവിൻ ആപ്പ്ളിക്കേഷൻ വഴിയോ ആരോഗ്യസേതു വഴിയോയാണ് വാക്സിൻ സ്വീകരിക്കുന്നതിനായി രജിസ്റ്റർ ചെയ്തിരിക്കുന്നത്.
Read also: ഇന്ത്യയിലെ വാക്സിൻ നിർമാണം; സാമ്പത്തിക പിന്തുണയുമായി 3 രാജ്യങ്ങൾ രംഗത്ത്