കണ്ണൂർ : ജില്ലയിൽ പെരിങ്ങോം വയക്കര പഞ്ചായത്തിൽ കോവിഡ് വ്യാപനം നിയന്ത്രണ വിധേയമായതായി അധികൃതർ വ്യക്തമാക്കി. 98 പേർ മാത്രമാണ് നിലവിൽ പഞ്ചായത്തിൽ കോവിഡ് ബാധിച്ചു ചികിൽസയിൽ കഴിയുന്നത്. ഇവരിൽ 32 പേർ നിലവിൽ സിആർപിഎഫ് ക്യാംപിലും, 5 പേർ ആശുപത്രികളിലും ബാക്കിയുള്ളവർ വീടുകളിലും ചികിൽസയിൽ കഴിയുകയാണ്.
1,942 പേർക്കാണ് പഞ്ചായത്തിൽ സമ്പർക്കത്തിലൂടെ കോവിഡ് സ്ഥിരീകരിച്ചിരുന്നത്. കഴിഞ്ഞ ദിവസം റിപ്പോർട് ചെയ്ത 15 പോസിറ്റീവ് കേസുകളിൽ 13 എണ്ണം സിആർപിഎഫ് ക്യാംപിലുള്ളവരാണ്. ഇവരിൽ ഒരാൾ അതിഥി തൊഴിലാളിയും ഒരാൾ ആരോഗ്യ പ്രവർത്തകനുമാണ്.
പഞ്ചായത്തിൽ ഏറ്റവും കൂടുതൽ ആളുകൾക്ക് കോവിഡ് സ്ഥിരീകരിച്ചത് സമ്പർക്കത്തിലൂടെയാണ്. അതിനാൽ തന്നെ പൊതുജനങ്ങൾ വരും ദിവസങ്ങളിലും കോവിഡ് നിയന്ത്രണങ്ങൾ കർശനമായി പാലിക്കണമെന്ന് അധികൃതർ നിർദ്ദേശം നൽകിയിട്ടുണ്ട്.
Read also : കാറുകളുടെ വില വർധിപ്പിക്കാനൊരുങ്ങി മാരുതി സുസുക്കി