ന്യൂഡല്‍ഹി : രാജ്യത്ത് കോവിഡ് രോഗികളുടെ എണ്ണത്തില്‍ വീണ്ടും വര്‍ദ്ധന. കഴിഞ്ഞ ഇരുപത്തിനാല് മണിക്കൂറില്‍ 60,975 പേര്‍ക്കാണ് രാജ്യത്ത് കോവിഡ് സ്ഥിരീകരിച്ചത്. ഇതോടെ ആകെ കോവിഡ് രോഗികളുടെ എണ്ണം 31,67,324 ആയി. 848 പേരാണ് കഴിഞ്ഞ ഇരുപത്തിനാല് മണിക്കൂറില്‍ രാജ്യത്ത് കോവിഡ് ബാധിച്ചു മരിച്ചത്. ഇതുവരെ 58,390 പേര്‍ക്കാണ് രാജ്യത്ത് കോവിഡ് മൂലം ജീവന്‍ നഷ്ടമായത്. എന്നാല്‍ കോവിഡ് മരണനിരക്ക് 1.48 ശതമാനമായി കുറഞ്ഞത് വലിയ ആശ്വാസം നല്‍കുന്ന കാര്യമാണ്.
ഇന്ത്യയില്‍ കോവിഡ് മുക്തി നേടുന്നരുടെ നിരക്ക് 75.92 ശതമാനമാണ്. ഇതുവരെ 24,04,585 പേരാണ് രാജ്യത്ത് കോവിഡ് രോഗമുക്തരായത്. രോഗബാധിതരുടെ എണ്ണത്തില്‍ ദിനപ്രതി വന്‍ വര്‍ധനയാണ് രാജ്യത്ത് ഉണ്ടാകുന്നത്. കഴിഞ്ഞ ആഴ്‌ച ലോകരാജ്യങ്ങളില്‍ റിപ്പോര്‍ട്ട് ചെയ്ത കോവിഡ് കേസുകളില്‍ 26 ശതമാനവും ഇന്ത്യയിലാണ്.
രാജ്യത്ത് മഹാരാഷ്ട്ര, ആന്ധ്രപ്രദേശ്, തമിഴ്‌നാട്, കര്‍ണാടക എന്നീ സംസ്ഥാനങ്ങളിലാണ് കോവിഡ് വ്യാപനം രൂക്ഷമായി തുടരുന്നത്. രോഗബാധിതരുടെ എണ്ണത്തിലും മരണത്തിലും ഈ സംസ്ഥാനങ്ങളില്‍ നിന്നാണ് ഏറ്റവും കൂടുതല്‍ റിപ്പോര്‍ട്ട് ചെയ്യുന്നത്.
