തിരുവനന്തപുരം: മന്ത്രി വിഎസ് സുനിൽകുമാറിനെ ഫോണിലൂടെ ഭീഷണിപ്പെടുത്തിയ സംഭവത്തിൽ ആളെ തിരിച്ചറിഞ്ഞു. മന്ത്രിയുടെ അയൽവാസിയായ സജീബ് എന്നയാളാണ് ഫോണിലൂടെ ഭീഷണി മുഴക്കിയതെന്നാണ് കണ്ടെത്തൽ. ദുബായിൽ നിന്നാണ് ഇയാൾ മന്ത്രിയെ വിളിച്ചത്. മദ്യലഹരിയിലാണ് മന്ത്രിയെ വിളിച്ചതെന്നാണ് ഇയാൾ പോലീസിനോട് പറഞ്ഞത്.
കുറച്ച് ദിവസം മുൻപാണ് മന്ത്രി വിഎസ് സുനിൽകുമാറിന് ഫോണിലൂടെ ഭീഷണി സന്ദേശം ലഭിച്ചത്. ഇന്റർനെറ്റ് കോളിലൂടെയായിരുന്നു സന്ദേശം. ഭീഷണി ലഭിച്ചതിനെ തുടർന്ന് മന്ത്രി പോലീസിന് പരാതി നൽകിയിരുന്നു. തുടർന്ന് പോലീസ് നടത്തിയ അന്വേഷണത്തിലാണ് മന്ത്രിയുടെ അയൽക്കാരൻ തന്നെയാണ് ഫോൺ വിളിച്ചതെന്ന് കണ്ടെത്തിയത്.
Read also: പാലാരിവട്ടം കേസ്; ഇബ്രാഹിം കുഞ്ഞിനെ തിങ്കളാഴ്‌ച ചോദ്യം ചെയ്യും
