തിരുവനന്തപുരം: ആരാധനാലയങ്ങളില് ഒരു സമയം പരമാവധി 20 പേരെ അനുവദിക്കാന് തീരുമാനമായി. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതല യോഗത്തിലാണ് തീരുമാനം.
എല്ലാ ആരാധനാലയങ്ങളിലും സാധാരണ ഘട്ടങ്ങളിലാണ് പരമാവധി 20 പേരെ അനുവദിക്കുക. ഹിന്ദു ആരാധനാലയങ്ങളില് വിശേഷ പൂജ, പ്രത്യേക ചടങ്ങുകള് എന്നിവ നടക്കുമ്പോള് അതത് ആരാധനാലയങ്ങളുടെ സൗകര്യമനുസരിച്ച് 40 പേരെ വരെ അനുദിക്കും.
കൂടാതെ മുസ്ലിം പള്ളികളിലെ വെളളിയാഴ്ച പ്രാര്ത്ഥനക്കും ക്രിസ്ത്യന് പള്ളികളിലെ ഞായറാഴ്ച കുര്ബാനക്കും അതത് സ്ഥലത്തെ സൗകര്യത്തിന്റെ അടിസ്ഥാനത്തില് 40 പേരെ വരെ അനുവദിക്കും. കോവിഡ് മാനദണ്ഡങ്ങള് കൃത്യമായി പാലിക്കണമെന്നും നിര്ദേശമുണ്ട്.
അതേസമയം ശബരിമലയില് തുലാമാസ പൂജാ ദിവസങ്ങളില് കോവിഡ് മാനദണ്ഡങ്ങള് പാലിച്ച് ദിവസം പരമാവധി 250 പേരെ വരെ ദര്ശനത്തിന് അനുവദിക്കാനും തീരുമാനമായി.
Read Also: പൊതു സ്ഥലങ്ങളിലെ സമരം; സുപ്രീം കോടതി നിയന്ത്രണവും ഹത്രസ് പ്രതിഷേധവും