ന്യൂഡെൽഹി: ഡെൽഹിയിൽ പ്രതിദിന കോവിഡ് കേസുകളുടെ എണ്ണത്തിൽ റെക്കോർഡ് വർധന. 24 മണിക്കൂറിനിടെ 8,593 പേർക്കാണ് രോഗം സ്ഥിരീകരിച്ചത്. ഇതാദ്യമായാണ് ഡെൽഹിയിൽ ഇത്രയധികം കേസുകൾ റിപ്പോർട്ട് ചെയ്യപ്പെടുന്നത്. 85 മരണങ്ങളും റിപ്പോർട്ട് ചെയ്യപ്പെട്ടു.
രാജ്യ തലസ്ഥാനത്ത് കോവിഡ് സൂപ്പർ സ്പ്രെഡിലേക്ക് നീങ്ങുന്നുവെന്ന് ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) ഡയറക്ടർ രൺദീപ് ഗുലേറിയ നേരത്തെ വ്യക്തമാക്കിയിരുന്നു. ഇത് ശരിവെക്കുന്നതാണ് കഴിഞ്ഞ ദിവസത്തെ കണക്കുകൾ. ഇതുവരെ 4,59,975 പേർക്കാണ് ഡെൽഹിയിൽ കോവിഡ് ബാധിച്ചത്, നിലവിൽ 42,629 പേരാണ് ചികിൽസയിലുള്ളത്.
അതേസമയം, രാജ്യത്ത് കോവിഡ് മുക്തരുടെ എണ്ണം 80.5 ലക്ഷം കവിഞ്ഞു. രോഗമുക്തി നിരക്ക് 93 ശതമാനമായി. ആകെ രോഗ ബാധിതർ 87 ലക്ഷത്തിനടുത്താണെങ്കിലും നിലവിൽ ചികിൽയിലുള്ളത് അഞ്ച് ലക്ഷത്തിൽ താഴെ മാത്രമാണ്.
Kerala News: തദ്ദേശ തിരഞ്ഞെടുപ്പ് വിജ്ഞാപനം ഇന്ന് പുറപ്പെടുവിക്കും