ദിസ്പുർ: ഫുട്ബോൾ ഇതിഹാസം ഡീഗോ മറഡോണയുടെ മോഷണം പോയ വാച്ച് അസമിൽ കണ്ടെത്തി. ദുബായിൽ വച്ച് മോഷ്ടിക്കപ്പെട്ട വാച്ചാണ് അസമിലെ ശിവനഗറിൽ നിന്ന് കണ്ടെടുത്തത്. സംഭവത്തിൽ ദുബായിൽ മറഡോണയുടെ വസ്തുക്കൾ സൂക്ഷിച്ചിരുന്ന സ്ഥലത്തെ സുരക്ഷാ ഉദ്യോഗസ്ഥനായിരുന്ന ഒരാളെ അറസ്റ്റ് ചെയ്തു.
ലിമിറ്റഡ് എഡിഷൻ ഹുബോൾട്ട് വാച്ചാണ് മോഷണം പോയത്. കമ്പനിയിൽ കുറച്ച് ദിവസം ജോലി ചെയ്ത ഇയാൾ പിതാവിന് സുഖമില്ലെന്ന കാരണം പറഞ്ഞ് കഴിഞ്ഞ ഓഗസ്റ്റിൽ അസമിലേക്ക് വന്നിരുന്നു. വിവരം ദുബായ് പോലീസ് അറിയിച്ചതിനെ തുടർന്ന് അസം പോലീസ് അന്വേഷണം നടത്തുകയും ഇയാളെ അറസ്റ്റ് ചെയ്യുകയുമായിരുന്നു.
Read also: തന്നെ നിയമിച്ചത് കേരളാ ഗവര്ണർ; കണ്ണൂര് വിസി ഗോപിനാഥ് രവീന്ദ്രന്