കണ്ണൂർ: കാളികയത്ത് കുടിവെള്ള പദ്ധതിയുടെ നിർമാണം പുരോഗമിക്കുന്നു. കേളകം, കണിച്ചാർ, കൊട്ടിയൂർ പഞ്ചായത്തുകളിലെ കുടിവെള്ള ക്ഷാമത്തിന്‌ പരിഹാരമാകുന്ന പദ്ധതിയാണിത്‌. ബാവലിപ്പുഴയിൽ വലിയ കിണറിന്റെയും പമ്പ് ഹൗസിന്റെയും ശുദ്ധീകരണ പ്ളാന്റിന്റെയും നിർമാണമാണ് ഇപ്പോൾ നടക്കുന്നത്. ശുദ്ധീകരണ പ്ളാന്റിൽ നിന്ന്‌ മഞ്ഞളാംപുറത്തെ പ്രധാന ടാങ്കിലേക്കുള്ള 4.8 കിലോമീറ്റർ പൈപ്പിടൽ പൂർത്തിയായി.
നബാർഡ് പദ്ധതിയിൽ 64 കോടി രൂപയാണ് അടങ്കൽ തുക. ദിവസവും 11 മില്യൺ ലിറ്റർ കുടിവെള്ളം പമ്പ് ചെയ്യുകയാണ് ലക്ഷ്യം. ഈ വർഷാവസാനത്തോടെ നിർമാണം പൂർത്തിയാക്കാനാണ് ഉദ്ദേശിക്കുന്നത്‌. എംഎൽഎ ഫണ്ടിൽ നിന്ന്‌ 75 ലക്ഷം രൂപ ചിലവിട്ടാണ് പദ്ധതിക്കായി ഭൂമി ഏറ്റെടുത്തത്. പ്രദേശത്തെ മറ്റു കുടിവെള്ള പദ്ധതികളും കാളികയം പദ്ധതിയുമായി ബന്ധിപ്പിക്കും.
Read Also: യൂത്ത് കോൺഗ്രസ്‌ സംസ്‌ഥാന വക്‌താക്കളുടെ നിയമനം മരവിപ്പിച്ചു
