ദുബായ് : കോവിഡ് ഭീതി കുറയുന്നതോടെ മുഖം മിനുക്കാന് ഒരുങ്ങി ദുബായ് ടൂറിസം മേഖല. ടൂറിസവികസനത്തിന്റെ ആദ്യ പടിയെന്നോണം സൈക്കിള് സൗഹാര്ദ്ദ നഗരമാവുകയാണ് ഇവിടം. ദുബായ് കിരീടാവകാശിയായ ഷെയ്ഖ് ഹംദന് ബിന് മുഹമ്മദ് ബിന് റാഷിദ് അല് മഖ്തുമാണ് ഇക്കാര്യം അറിയിച്ചത്.
2021ല് ലോകത്തിലെ തന്നെ ഏറ്റവും വലിയ ടൂറിസ്റ്റ് കേന്ദ്രമാകാനുള്ള തയ്യാറെടുപ്പിലാണ് ഫാന്സി കാറുകള്ക് പേരു കേട്ട ഈ നഗരം. സൈക്കിളുകള് വര്ദ്ധിക്കുമ്പോള് നഗരത്തിലെ വായുമലിനീകരണ തോതും കുറയുമെന്നാണ് സര്ക്കാരിന്റെ കണക്കുകൂട്ടലുകള്.
നിലവില് 800 സൈക്കിളുകളാണ് നഗരത്തിലുള്ളത്. ഇതിനു പുറമെ 3000 സോളാര് സൈക്കിളുകള് അവതരിപ്പിക്കാനുള്ള ശ്രമത്തിലാണ് സര്ക്കാര്. 425കിലോമീറ്റര് നീളമുള്ള സൈക്കിള് ട്രാക്കുണ്ട് ദുബായില്. ഇത് വളരെ ചുരുങ്ങിയ കാലം കൊണ്ട് 650കിലോമീറ്ററാക്കി വര്ദ്ധിപ്പിക്കാനും അധികൃതര് തീരുമാനമെടുത്ത് കഴിഞ്ഞു.