ദുബായ്: ലോകത്തിലെ ഏറ്റവും വലുതും ഉയരമേറിയതുമായ നിരീക്ഷണ ചക്രമായ ഐൻ ദുബായിയുടെ (ദുബായുടെ കണ്ണ്) ഏറ്റവും ഉയരത്തിൽ കയറി ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. ദുബായിയുടെ പുതിയ ആകർഷണമായ ഐൻ ദുബായ് ഒബ്സർവേഷൻ വീൽ ഇന്നാണ് പൊതുജനങ്ങൾക്കായി തുറന്നുകൊടുത്തത്.
820 അടി ഉയരത്തിൽ ഇരുന്ന് ഫസാ ലോഗോ പതിച്ച ഒരു മഗ്ഗിൽ നിന്ന് ചായ നുകരുന്ന ഷെയ്ഖ് ഹംദാന്റെ വീഡിയോ അദ്ദേഹം തന്നെ സോഷ്യൽ മീഡിയയിൽ പങ്കുവച്ചു. നേരത്തെ ബുർജ് ഖലീഫയുടെ ഏറ്റവും മുകളില് കയറിയും ഷെയ്ഖ് ഹംദാൻ അൽഭുത പ്രകടനം നടത്തിയിരുന്നു.
ദുബായ് മറീനക്കടുത്തുള്ള ബ്ളൂ വാട്ടേഴ്സ് ഐലൻഡിലാണ് പുതിയ അൽഭുത കാഴ്ച യാഥാർഥ്യമായത്. 250 മീറ്ററാണ് ആകെ ഉയരം. മുതിർന്നവർക്ക് 130 ദിർഹവും മൂന്ന് മുതൽ 12 വയസുവരെയുള്ള കുട്ടികൾക്ക് 100 ദിർഹവുമാണ് ഒബ്സർവേഷൻ വീലിൽ കയറാനുള്ള ടിക്കറ്റ് നിരക്ക്. തൽസമയ വിനോദം, ഭക്ഷണ ട്രക്കുകൾ എന്നിവയും ഇവിടെ ഒരുക്കിയിട്ടുണ്ട്.
View this post on Instagram
Most Read: രോഗവും പ്രായവും തടസമായില്ല; ഒരിക്കൽ കൂടി പൈലറ്റ് വേഷത്തിൽ 84കാരി