കൊച്ചി: ദുല്ഖര് സല്മാന്റെ നിര്മാണത്തില് അരുണ് വൈഗ ഒരുക്കുന്ന പുതിയ ചിത്രത്തിന്റെ ടൈറ്റില് പോസ്റ്റര് പുറത്തുവിട്ടു. ‘ഉപചാരപൂര്വ്വം ഗുണ്ട ജയന്’ എന്ന് പേരിട്ടിരിക്കുന്ന ചിത്രം വേഫെറർ ഫിലിംസിന്റെ ബാനറില് ദുല്ഖര് സല്മാനും മൈ ഡ്രീംസ് എന്റര്ടൈന്മെന്റിന്റെ ബാനറില് ഷെബാബ് ആനികാടും ചേര്ന്നാണ് നിര്മിക്കുന്നത്.
രാജേഷ് വര്മ്മയുടെതാണ് തിരക്കഥ. ചിത്രത്തില് സൈജു കുറുപ്പ്, സിജു വില്സണ്, ശബരീഷ് വര്മ്മ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ദുല്ഖര് വിതരണത്തിന് എത്തിച്ച് റിലീസ് ചെയ്യുന്ന ആദ്യ ചിത്രമാണിത്
ജോണി ആന്റണി, സാബുമോന്, ഹരീഷ് കണാരന്, ഷാനി ഷാക്കി, സുധീര് കരമന, ജാഫര് ഇടുക്കി, ബിജു സോപാനം, വിജിലേഷ്, തട്ടിം മുട്ടിം ഫെയിം സാഗര് സൂര്യ, വൃന്ദ മേനോന്, നയന, പാര്വതി എന്നിവരും ചിത്രത്തിലുണ്ട്. ഹരിനാരായണന്റെ വരികള്ക്ക് ബിജിബാല് ആണ് സംഗീതം. ക്യാമറ എല്ദോ ഐസക്, എഡിറ്റര് കിരണ് ദാസ്, സൗണ്ട് ഡിസൈന് വിഷ്ണു ഗോവിന്ദ്, ശ്രീ ശങ്കര്.
Read also: റോഷൻ ആൻഡ്രൂസ്-ദുൽഖർ ചിത്രം അണിയറയിൽ; പൂജ കഴിഞ്ഞു