തിരുവനന്തപുരം: സംസ്‌ഥാന ക്രൈം ബ്രാഞ്ചിന്റെ ഭാഗമായിരുന്ന സാമ്പത്തിക കുറ്റാന്വേഷണ വിഭാഗം (ഇഒഡബ്ള്യു) പ്രത്യേക യൂണിറ്റായി വീണ്ടും തുടങ്ങുന്നത് പരിഗണനയിൽ. ഓൺലൈൻ തട്ടിപ്പുകളും മറ്റു സാമ്പത്തിക തട്ടിപ്പുകളും വർധിക്കുന്ന സാഹചര്യത്തിലാണ് തീരുമാനം.
മൂന്നുവർഷമായി സാമ്പത്തിക കുറ്റാന്വേഷണ വിഭാഗം പ്രത്യേക വിഭാഗമായി ഉണ്ടായിരുന്നില്ല. ക്രൈം ബ്രാഞ്ച് പുനഃസംഘടനയുമായി ബന്ധപ്പെട്ട് 2018 മുതലാണ് പ്രത്യേക സാമ്പത്തിക കുറ്റാന്വേഷണ വിഭാഗം ഇല്ലാതായത്. എന്നാൽ വിവിധതരം സാമ്പത്തിക കുറ്റകൃത്യങ്ങൾ ഏറിയ സാഹചര്യത്തിൽ ലോക്‌നാഥ് ബെഹ്‌റ പോലീസ് മേധാവിയായിരിക്കെ നൽകിയ ശുപാർശ സർക്കാർ വീണ്ടും പരിഗണനയിൽ എടുക്കുകയായിരുന്നു.
ക്രൈംബ്രാഞ്ച് എഡിജിപിക്ക് കീഴിൽ പ്രത്യേക വിഭാഗമായിട്ട് വേണമെന്നായിരുന്നു ശുപാർശ. ഇ-കൊമേഴ്‌സ് മുഖേനയുള്ള തട്ടിപ്പുകൾ, ഓൺലൈൻ തട്ടിപ്പുകൾ, ചിട്ടി തട്ടിപ്പ്, മറ്റ് സാമ്പത്തിക തട്ടിപ്പുകൾ എന്നിവയാകും ഈ പ്രത്യേക യൂണിറ്റ് അന്വേഷിക്കുക.
പോലീസിന്റെ രണ്ട് സോണുകളിലെയും ഐജിമാരുടെ നേതൃത്വത്തിലാകും ഉദ്യോഗസ്‌ഥർ. റെയ്‌ഞ്ചുകളിൽ ഡിഐജിമാർക്കാകും നേതൃത്വ ചുമതല. ജില്ലകളിൽ ഡിവൈഎസ്‌പിമാരും ഇൻസ്‌പെക്‌ടർമാരും ഉൾപ്പെട്ട സംഘമായിരിക്കും ഈ പ്രത്യേക യൂണിറ്റിലുണ്ടാവുക.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
