മുംബൈ: മഹാരാഷ്ട്ര നിയമസഭാ സ്പീക്കർ തിരഞ്ഞെടുപ്പിൽ ശിവസേന വിമത പക്ഷത്തിലുള്ള യാമിനി യശ്വന്ത് ജാദവ് വോട്ട് രേഖപ്പെടുത്തുന്നതിനിടെ കൂവിവിളിച്ച് പ്രതിപക്ഷ എംഎൽഎമാർ. ‘ഇഡി, ഇഡി’ (എൻഫോഴ്സ്മെന്റ് ഡയറക്ടറേറ്റ്) എന്നാണ് കൂവി വിളിച്ചത്.
യാമിനി യശ്വന്ത് യാദവിന്റെ ഭര്ത്താവും മുംബൈ മുന്സിപ്പല് കോര്പ്പറേഷന് സ്റ്റാന്റിങ് കമ്മിറ്റി ചെയര്മാനുമായ യശ്വന്ത് യാദവ് അഴിമതി ആരോപണത്തെ തുടര്ന്ന് ഇഡിയുടെ നിരീക്ഷണത്തിലാണ് ഉള്ളത്. നികുതി വെട്ടിപ്പ് കേസില് യശ്വന്ത് യാദവിന്റെ അഞ്ച് കോടി രൂപയുടെ ഫ്ളാറ്റ് ഉൾപ്പടെയുള്ള സ്വത്തുവകകള് ആദായനികുതി വകുപ്പ് കണ്ടുകെട്ടിയിരുന്നു. ഈ പശ്ചാത്തലത്തിലാണ് പ്രതിപക്ഷ നേതാക്കള് കൂവി വിളിച്ചത്.
#WATCH | Maharashtra: MLAs on Opposition benches shouted “ED, ED” when Shiv Sena Yamini Yashwant Jadhav registered her head count for the Speaker’s election in the Assembly.
(Source: Maharashtra Assembly) pic.twitter.com/riKFAjmZDQ
— ANI (@ANI) July 3, 2022
സ്പീക്കർ തിരഞ്ഞെടുപ്പില് ബിജെപിയുടെ രാഹുല് നര്വേക്കര് വിജയിച്ചു. വിമത ശിവസേന എംഎല്എമാരുടേതടക്കം 164 വോട്ടുകളാണ് ലഭിച്ചത്.
Most Read: പുലിറ്റ്സര് ജേതാവും ഫോട്ടോ ജേണലിസ്റ്റുമായ സന ഇര്ഷാദിന് വിദേശയാത്രക്ക് വിലക്ക്