വേലി മറികടന്നൊന്നും ആനകൾ വരില്ലെന്ന നമ്മുടെ വിശ്വാസം തെറ്റില്ല എന്നായിരുന്നു ഇതുവരെയുള്ള ധാരണ. എന്നാൽ ഇനിമുതൽ ആ വിശ്വാസത്തിൽ ഇരിക്കേണ്ട. വേണ്ടി വന്നാൽ വേലി ചാടാനും തങ്ങൾക്ക് മടിയില്ലെന്ന് തെളിയിക്കുകയാണ് ഒരു കൊമ്പനാന.
കർണാടകയിൽ ആനകളെ തടയാൻ സ്ഥാപിച്ച ഇരുമ്പ് വേലി മറികടക്കുന്ന കൊമ്പനാനയുടെ വീഡിയോ സോഷ്യൽ മീഡിയയിൽ വൈറലാകുകയാണ്. ഐഎഎസ് ഉദ്യോഗസ്ഥ സുപ്രിയ സാഹുവാണ് ഈ വീഡിയോ ട്വിറ്ററിൽ പങ്കുവച്ചിരിക്കുന്നത്.
കർണാടക, മൈസൂരുവിലെ നാഗർഹോളക്ക് സമീപമാണ് സംഭവം. വീരനഹൊസള്ളി റേഞ്ചിൽ നിന്നാണ് വീഡിയോ പകർത്തിയത് എന്ന് നാഗർഹോള ടൈഗർ റിസർവ് ഡയറക്ടർ മഹേഷ് കുമാർ പറഞ്ഞു. തീറ്റ തേടിയിറങ്ങിയ ശേഷം കാട്ടിലേക്ക് മടങ്ങുന്നതാണ് ദൃശ്യങ്ങളിൽ ഉള്ളതെന്നും അദ്ദേഹം പറഞ്ഞു. 27 സെക്കൻഡ് ദൈർഘ്യമുള്ള വീഡിയോ ഇതിനോടകം ലക്ഷക്കണക്കിന് പേർ കണ്ടുകഴിഞ്ഞു.
Speechless ? #elephants pic.twitter.com/6S1WJqEkZS
— Supriya Sahu IAS (@supriyasahuias) November 17, 2021
Most Read: ട്രിപ്പിനേക്കാൾ വലുതാണ് ജീവൻ; മാതൃകയായി ബസ് ഡ്രൈവറും കണ്ടക്ടറും