പാലക്കാട്: പറമ്പിക്കുളം പോലീസ് സ്റ്റേഷനിൽ പരിഭ്രാന്തി പരത്തി കാട്ടാനകൾ. കഴിഞ്ഞ ദിവസം രാത്രി പോലീസ് സ്റ്റേഷന്റെ മുന്നിലെത്തിയ കാട്ടാനകൾ മുൻവശത്തെ ഗ്രിൽ തകർക്കുകയായിരുന്നു. സംഭവത്തിൽ ആർക്കും പരിക്കില്ല. പറമ്പിക്കുളം വന്യജീവി സങ്കേതത്തിന് അകത്താണ് പോലീസ് സ്റ്റേഷൻ സ്ഥിതി ചെയ്യുന്നത്.
35 ഓളം പോലീസുകാർ ജോലി ചെയ്യുന്ന സ്റ്റേഷനാണിത്. പോലീസ് സ്റ്റേഷനിലെ വാതിലുകളിലും മറ്റും ഇടിച്ചതിന് ശേഷമാണ് കാട്ടാനകൾ മുൻവശത്തെ ഗ്രിൽ തകർത്തത്. ഇവിടെ നേരത്തെയും സമാന സംഭവങ്ങൾ നടന്നിട്ടുണ്ടെന്ന് നാട്ടുകാർ പറയുന്നു.
Most Read: ലഹരിമരുന്ന് വിൽപന; യുവാവ് പിടിയിൽ