ഗുഡല്ലൂർ: മുതുമല കടുവാ സങ്കേതത്തിനകത്തെ മസിനഗുഡിക്ക് സമീപത്തായി പിടിയാനയെ ചരിഞ്ഞ നിലയിൽ കണ്ടെത്തി. 15 വയസുള്ള പിടിയാനയെയാണ് ചരിഞ്ഞ നിലയിൽ കണ്ടെത്തിയത്. തുമ്പികൈയിൽ നിന്നും വായിൽ നിന്നും രക്‌തം വാർന്ന നിലയിലാണ് ജഡം കണ്ടെത്തിയത്. രോഗലക്ഷണങ്ങൾ പരിശോധിച്ചപ്പോൾ ആന്ത്രാക്‌സ് ബാധയാണെന്ന് സംശയിക്കുന്നതായി സ്‌ഥലത്തെത്തിയ വനം വകുപ്പ് ഉദ്യോഗസ്‌ഥർ അറിയിച്ചു.
ആനയുടെ മോസ്‌റ്റുമോർട്ടം ഇന്ന് നടക്കും. തുടർന്നായിരിക്കും കൂടുതൽ വിവരങ്ങൾ ലഭിക്കുക. അതേസമയം, രോഗം പടരാൻ സാധ്യതയുള്ളതിനാൽ ജഡം പകർച്ചവ്യാധി മാനദണ്ഡങ്ങൾ പാലിച്ചായിരിക്കും സംസ്‌കരിക്കുകയെന്നും വനം വകുപ്പ് അറിയിച്ചു.
Read Also: കായിക അധ്യാപകന്റെ അറസ്‌റ്റ്; സഹായിയായ യുവതിയും പിടിയിൽ
