സിഖ് കലാപം; ജഗ്ദീഷ് ടൈറ്റ്ലർക്കെതിരെ കൊലപാതക കുറ്റം ചുമത്താം- കോടതി
1984ലെ സിഖ് കലാപത്തിനിടെ ഡെൽഹിയിലെ പുൽ ബംഗാഷിലെ ഗുരുദ്വാരയ്ക്ക് തീയിടുകയും ഥാക്കുർ സിങ്, ബാദൽ സിങ്, ഗുരുചരൺ സിങ് എന്നിവർ കൊല്ലപ്പെടുകയും ചെയ്ത സംഭവങ്ങളുമായി ബന്ധപ്പെട്ട കേസിലാണ് ജഗ്ദീഷ് ടൈറ്റ്ലർക്കെതിരെ കുറ്റം ചുമത്താൻ നിർദ്ദേശിച്ചത്.
ന്യൂഡെൽഹി: സിഖ് കലാപവുമായി ബന്ധപ്പെട്ട് കോൺഗ്രസ് നേതാവും കേന്ദ്രമന്ത്രിയുമായ ജഗ്ദീഷ് ടൈറ്റ്ലർക്കെതിരെ കൊലപാതകം അടക്കമുള്ള കുറ്റങ്ങൾ ചുമത്താൻ സിബിഐക്ക് നിർദ്ദേശം നൽകി ഡെൽഹി റൗസ് അവന്യൂ കോടതി. ജഗ്ദീഷ് ടൈറ്റ്ലർക്കെതിരെ കുറ്റം ചുമത്താൻ ആവശ്യമായ തെളിവുകൾ ഉണ്ടെന്നും കോടതി വ്യക്തമാക്കി.
1984ലെ സിഖ് കലാപത്തിനിടെ ഡെൽഹിയിലെ പുൽ ബംഗാഷിലെ ഗുരുദ്വാരയ്ക്ക് തീയിടുകയും ഥാക്കുർ സിങ്, ബാദൽ സിങ്, ഗുരുചരൺ സിങ് എന്നിവർ കൊല്ലപ്പെടുകയും ചെയ്ത സംഭവങ്ങളുമായി ബന്ധപ്പെട്ട കേസിലാണ് ജഗ്ദീഷ് ടൈറ്റ്ലർക്കെതിരെ കുറ്റം ചുമത്താൻ നിർദ്ദേശിച്ചത്.
കൊലപാതകത്തിന് പുറമെ അനധികൃതമായി സംഘംചേരൽ, കലാപമുണ്ടാക്കൽ, നിയമലംഘനം, ആരാധനാലയം അശുദ്ധമാക്കൽ, തീയിടൽ, മോഷണം എന്നീ കുറ്റങ്ങൾ ജഗ്ദീഷ് ടൈറ്റ്ലർക്കെതിരെ ചുമത്താനും കോടതി സിബിഐക്ക് നിർദ്ദേശം നൽകി. 2023 മേയിൽ സമർപ്പിച്ച കുറ്റപത്രത്തിൽ 1984ൽ ഗുരുദ്വാരയ്ക്ക് പുറത്തുകൂടിയിരുന്ന ജനക്കൂട്ടത്തിന് ടൈറ്റ്ലർ കാലാപാഹ്വാനം നൽകി പ്രകോപിപ്പിച്ചുവെന്ന് ആരോപിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
