പാലക്കാട്: പന്നിയങ്കര ടോള് പ്ളാസയില് അമിത ടോള് നിരക്ക് ഈടാക്കുന്നു എന്നാരോപിച്ച് സമരം തുടരുന്നു. പാലക്കാട്- തൃശൂര് റൂട്ടിലെ സ്വകാര്യ ബസുകളുടെ അനിശ്ചിതകാല പണിമുടക്ക് രണ്ടാം ദിനത്തിലേക്ക് കടന്നു.
50 ട്രിപ്പുകള്ക്ക് പതിനായിരത്തിലധികം രൂപയാണ് നല്കേണ്ടി വരുന്നതെന്നും ഇത് വലിയ സാമ്പത്തിക ബാധ്യതയുണ്ടാക്കുന്നു എന്നുമാണ് ബസുടമകള് പറയുന്നത്. 150ഓളം ബസുകളാണ് പണിമുടക്കില് പങ്കെടുക്കുക.
വിഷയത്തില് ഗതാഗത മന്ത്രിയുടെ സാന്നിധ്യത്തില് ചര്ച്ച നടന്നിരുന്നെങ്കിലും യോഗതീരുമാനം ഇനിയും സംയുക്ത സമരസമിതിയെ അറിയിച്ചിട്ടില്ല. സംയുക്ത സമരസമിതി നടത്തിവരുന്ന അനിശ്ചിതകാല നിരാഹാര സമരവും തുടരുകയാണ്.
ദിവസങ്ങള് കഴിഞ്ഞിട്ടും വിഷയത്തില് ഫലപ്രദമായ ഇടപെടല് ഉണ്ടാകാത്ത സാഹചര്യത്തിലാണ് സര്വീസ് നിര്ത്തിവെച്ച് പ്രതിഷേധിക്കാൻ സംയുക്ത സമരസമിതി തീരുമാനിച്ചത്. കഴിഞ്ഞദിവസം ടോള് ബാരിക്കേഡ് തകര്ത്ത് കടന്നുപോയ ബസുകള്ക്കെതിരെ പോലീസ് കേസെടുത്തിരുന്നു.
Most Read: കാവ്യാ മാധവനെ ആലുവയിലെ വീട്ടിൽ വച്ച് ഇന്ന് ചോദ്യം ചെയ്യും