തിരുവനന്തപുരം: തദ്ദേശ തിരഞ്ഞെടുപ്പിനു വോട്ടുചെയ്യാന്‍ എത്തുന്നവരെ കണക്കിലെടുത്ത് മറ്റു സംസ്‌ഥാനങ്ങളില്‍ നിന്നു കേരളത്തിലേക്ക് എത്തുന്നവര്‍ക്കു ക്വാറന്റെയ്ൻ ഒഴിവാക്കിയേക്കും. വോട്ട് ചെയ്യാന്‍ ഒട്ടേറെ പേര്‍ എത്തുമെന്ന കണക്കുകൂട്ടലിലാണ് ക്വാറന്റെയ്നില്‍ ഇളവ് നല്‍കാന്‍ ആലോചിക്കുന്നത്.
മറ്റു പല സംസ്ഥാനങ്ങളും സംസ്‌ഥാനാന്തര യാത്രക്കുള്ള നിയന്ത്രണം ഒഴിവാക്കിയിട്ടുണ്ട്. എന്നാല്‍ കേരളം 7 ദിവസത്തെ ക്വാറന്റെയ്നും അതിനുശേഷം രോഗ പരിശോധനയും നിര്‍ബന്ധമായി തുടരുകയായിരുന്നു. ഇതര സംസ്‌ഥാനങ്ങളില്‍ നിന്നുള്ള ബിസിനസ് യാത്രകള്‍ക്കും ക്വാറന്റെയ്ൻ ഒഴിവാക്കണം എന്ന ആവശ്യം ഉയര്‍ന്നിട്ടുണ്ട്.
എന്നാല്‍ വിദേശത്തു നിന്ന് എത്തുന്നവര്‍ക്ക് 7 ദിവസം ക്വാറന്റെയ്നും പരിശോധനയുമെന്ന നിബന്ധന മാറ്റമില്ലാതെ തുടരം. പരിശോധനയില്ലെങ്കില്‍ 14 ദിവസത്തെ ക്വാറന്റെയ്ൻ വേണം.
