ബഹ്റൈൻ: രാജ്യത്ത് ഈ വർഷം ആഗസ്റ്റിലെ താപനിലയിൽ റെക്കോർഡ് വർദ്ധന. 1902ന് ശേഷം ആഗസ്റ്റ്‌ മാസം രേഖപ്പെടുത്തുന്ന ഏറ്റവും ഉയർന്ന നാലാമത്തെ ശരാശരി താപനിലയാണ് രേഖപ്പെടുത്തിയത്. ആഗസ്റ്റിൽ രാജ്യത്തെ ശരാശരി താപനില 36.1 ഡിഗ്രിയായിരുന്നു. ഇത് കഴിഞ്ഞ തവണത്തേക്കാളും 2 ഡിഗ്രിയിലധികം കൂടുതലാണ്. മീറ്ററോളജിക്കൽ ഡയറക്ടറേറ്റാണ് കണക്ക് പുറത്തുവിട്ടത്.
മുൻപ് 2017, 1998 വർഷങ്ങളിൽ ഇതിലും കൂടുതലും 2016ൽ സമാനമായ താപനിലയുമായിരുന്നു റിപ്പോർട്ട്‌ ചെയ്തത്. ആഗസ്റ്റിൽ 12 തവണയാണ് താപനില 40 ഡിഗ്രിക്ക് മുകളിൽ രേഖപ്പെടുത്തിയത്. ആഗസ്റ്റ്‌ 8ന് ബഹ്റൈൻ വിമാനത്താവളത്തിൽ രേഖപ്പെടുത്തിയ 43.8 ഡിഗ്രിയാണ് ഏറ്റവും ഉയർന്ന താപനില. ഏറ്റവും കുറഞ്ഞ താപനിലയായ 30 ഡിഗ്രിയും വിമാനത്താവളത്തിൽ തന്നെയാണ് രേഖപ്പെടുത്തിയത്.
