പാലക്കാട്: കൃഷിവകുപ്പിന്റെ നേതൃത്യത്തിൽ നടക്കുന്ന എല്ലാ പൊതു പരിപാടികളിലും ഇനി പ്രദേശത്തെ മുതിർന്ന കർഷകർ വേദിയിൽ വേണമെന്ന് നിർദ്ദേശം. മന്ത്രി പി പ്രസാദിന്റെ നിർദ്ദേശാനുസരണം അഡീഷനൽ സെക്രട്ടറി എസ് സാബിർ ഹുസൈനാണ് ഇത് സംബന്ധിച്ച പുതിയ സർക്കുലർ ഇറക്കിയത്. കർഷകർക്കുള്ള ആദരം പ്രസംഗത്തിൽ മാത്രം പോര, വേദിയിലും വേണമെന്ന് സർക്കുലറിൽ പറയുന്നു. കർഷകർക്ക് അർഹിക്കുന്ന ബഹുമാനവും പരിഗണനയും ലഭിക്കുന്നില്ലെന്ന തോന്നലിന്റെ അടിസ്‌ഥാനത്തിൽ ആണ് പുതിയ സർക്കുലർ ഇറക്കിയതെന്ന് മന്ത്രി പി പ്രസാദ് പറഞ്ഞു.
കൂടാതെ, കൃഷിമന്ത്രി പങ്കെടുക്കുന്ന, വകുപ്പുമായി ബന്ധപ്പെട്ട എല്ലാ പൊതു പരിപാടികളിലും ബൊക്ക, മൊമെന്റോ തുടങ്ങിയവ നൽകുന്നത് പൂർണമായി ഒഴിവാക്കണമെന്നും പകരം പരിപാടികൾ കൃഷി നട്ടോ വെള്ളമൊഴിച്ചോ ആരംഭിക്കുന്ന രീതി തുടരണമെന്നുമാണ് പുതിയ നിർദ്ദേശം.
Read Also: തൃശൂർ മേയർക്ക് സല്യൂട്ടടിച്ച് പ്രതിപക്ഷത്തിന്റെ പരിഹാസം; തിരിച്ചും സല്യൂട്ട് നൽകി മേയർ
