ന്യൂഡെൽഹി : കാർഷിക നിയമങ്ങൾക്കെതിരെയുള്ള സമരം ശക്തമാക്കുന്നതിന്റെ ഭാഗമായി കൂടുതൽ സമരമുറകളുമായി കർഷക സംഘടനകൾ. ഇതിന്റെ ഭാഗമായി ഭഗത് സിംഗ്, സുഖ് ദേവ്, രാജ്ഗുരു എന്നിവരുടെ രക്തസാക്ഷിത്വ ദിനത്തോട് അനുബന്ധിച്ച് സംഘടിപ്പിക്കുന്ന സ്മരണയിൽ കർഷകത്തൊഴിലാളികൾ പദയാത്ര ആരംഭിച്ചു. തൊഴിലാളി സംഘടനകളും, കർഷക യൂണിയൻ നേതാക്കളും ഉൾപ്പടെ ഉള്ളവർ പദയാത്രയിൽ പങ്കെടുക്കുന്നുണ്ട്.
ഹരിയാനയിലെ ഹിസാറിൽ നിന്നാണ് പദയാത്ര ആരംഭിച്ചത്. അവിടെ നിന്നും 150 കിലോമീറ്റർ കാൽനടയായി സഞ്ചരിച്ച് 23ആം തീയതിയോടെ പദയാത്ര തിക്രി അതിർത്തിയിൽ എത്തിച്ചേരും. കാർഷിക നിയമങ്ങൾ പിൻവലിക്കുക, തൊഴിലാളി ദ്രോഹ നിയമങ്ങൾ തിരുത്തുക തുടങ്ങിയ ആവശ്യങ്ങളാണ് പദയാത്രയിൽ ഉന്നയിക്കുന്നത്.
Read also : 5 വയസുകാരിയെ ബലാൽസംഗം ചെയ്ത 21കാരന് വധശിക്ഷ; നടപടികൾ പൂർത്തിയാക്കിയത് 26 ദിവസം കൊണ്ട്