കാസർഗോഡ്: ഫാഷൻ ഗോൾഡ് തട്ടിപ്പ് കേസിൽ മുഴുവൻ ഡയറക്‌ടർമാരെയും പ്രതി ചേർക്കണമെന്ന് നിക്ഷേപകർ. ഫാഷൻ ഗോൾഡ് സ്‌ഥാപനങ്ങളുടെ പേരിൽ കോടികൾ പിരിച്ചെടുത്തതിന് പിന്നിൽ ഗൂഢാലോചന നടന്നിട്ടുണ്ടെന്നാണ് നിക്ഷേപകർ ആരോപിക്കുന്നത്.
ഇതും അന്വേഷണ വിധേയമാക്കണമെന്നാണ് നിക്ഷേപകരുടെ ആവശ്യം. അതേസമയം, പൂക്കോയ തങ്ങൾക്കൊപ്പം കമറുദ്ദീനെയും കൂടി ഇരുത്തി അന്വേഷണ സംഘം ചോദ്യം ചെയ്‌തു. നിക്ഷേപം സംബന്ധിച്ച വിവരങ്ങൾ പുക്കോയ തങ്ങൾ തന്നിൽ നിന്നും മറച്ചു വെച്ചിരുന്നതായാണ് എംസി കമറുദ്ദീന്റെ ആരോപണം.
നിക്ഷേപകരുമായി ചർച്ച നടത്തി പ്രശ്‌നം പരിഹരിക്കാൻ പൂക്കോയ തങ്ങളുമായി ബന്ധപ്പെട്ടവർ ശ്രമിക്കുന്നുണ്ട്. ഇതിന്റെ ഭാഗമായാണ് പൂക്കോയ തങ്ങൾ കീഴടങ്ങിയതെന്നാണ് സൂചന.
Also Read: സംവിധായകൻ പാ രഞ്‌ജിത്തിനും, ആമസോൺ പ്രൈമിനും നോട്ടീസ് അയച്ച് എഐഎഡിഎംകെ
