എറണാകുളം: ജില്ലയിലെ കോതമംഗലത്ത് കോഴിപ്പിള്ളി പുഴയിൽ മകനൊപ്പം കുളിക്കാൻ ഇറങ്ങിയ പിതാവ് മുങ്ങിമരിച്ചു. ഇഞ്ചൂര്‍ കുറുമാട്ടുകുടി അബി കെ അലിയാര്‍(40) ആണ് മരിച്ചത്. 12 വയസുകാരനായ മകൻ അമീറിനൊപ്പം പുഴയിൽ കുളിക്കാൻ ഇറങ്ങിയതിനിടയിലാണ് അപകടം സംഭവിച്ചത്.
ഇന്ന് ഉച്ചയോടെയാണ് അപകടം സംഭവിച്ചത്. പുഴയില്‍ ഇറങ്ങിയ ഇരുവരും ഒഴുക്കില്‍പ്പെടുകയായിരുന്നു. തുടർന്ന് അപകടം നടക്കുന്നത് ശ്രദ്ധയിൽ പെട്ട കോതമംഗലം അഗ്‌നിരക്ഷാ സേനയിലെ സിവിൽ ഡിഫൻസ് അംഗം റെജിയാണ് മകനെ രക്ഷിച്ചത്.
വിവരം അറിഞ്ഞതിന് പിന്നാലെ കോതമംഗലം അഗ്‌നിരക്ഷാ സേന സ്‌ഥലത്തെത്തി നടത്തിയ തിരച്ചിലിലാണ് അലിയാരെ കണ്ടെത്തിയത്. തുടർന്ന് ഇദ്ദേഹത്തെ കോതമംഗലം ധര്‍മഗിരി ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
Read also: പരിസ്‌ഥിതി നിയമലംഘനം; കർശന നടപടി സ്വീകരിക്കുമെന്ന് ഖത്തർ
