ന്യൂഡെല്ഹി: ദീപാവലി ഉല്സവ വേളയില് ഹരിത പടക്കം ഉള്പ്പടെ മുഴുവന് പടക്കങ്ങള്ക്കും നിരോധനം ഏര്പ്പെടുത്തിയ ഡെല്ഹി സര്ക്കാരിനെതിരെ പ്രതിഷേധവുമായി പടക്ക വ്യാപാരികള്. ബിജെപി നേതാവ് വിജയ് ഗോയലിന്റെ നേതൃത്വത്തില് പടക്ക വ്യാപാരികള് ഞായറാഴ്ച തലസ്ഥാനത്ത് ധര്ണ നടത്തി.
ഡെല്ഹിയില് ഹരിത പടക്കത്തിനടക്കം നിരോധനം ഏര്പ്പെടുത്തിയ മുഖ്യമന്ത്രി അരവിന്ദ് കെജ്രിവാളിന്റെ നടപടിയെ ചോദ്യം ചെയ്ത വിജയ് ഗോയല് സംസ്ഥാന സര്ക്കാരിന്റെ പെട്ടെന്നുള്ള തീരുമാനം നിരവധി പടക്ക വ്യാപരികളെ പ്രതികൂലമായി ബാധിച്ചതായി പറഞ്ഞു.
കൂടാതെ നിരോധനം ഏര്പ്പെടുത്തുകയാണ് ലക്ഷ്യമെങ്കില് രണ്ട് മാസം മുമ്പ് ഡെല്ഹിയില് ഹരിത പടക്കം വില്ക്കാന് വ്യാപരികള്ക്ക് ലൈസന്സ് നല്കിയത് എന്തുകൊണ്ടാണെന്നും വിജയ് ഗോയല് ചോദിച്ചു.
‘പടക്ക വ്യാപരികള് ഇതിനകം തന്നെ ഹരിത പടക്കം വാങ്ങിയിട്ടുണ്ട്, ഈ പടക്കം എവിടെ വില്ക്കണമെന്ന് ഇവര്ക്കറിയില്ല.’ വിജയ് ഗോയല് പറഞ്ഞു. കൂടാതെ വ്യാപാരികള്ക്ക് സംസ്ഥാന സര്ക്കാര് നഷ്ടപരിഹാരം നല്കണമെന്നും അദ്ദേഹം ആവശ്യപ്പെട്ടു.
അതേസമയം ഹരിത പടക്കങ്ങള് വാങ്ങാനോ അല്ലെങ്കില് നഷ്ടപരിഹാരം നല്കാനോ സര്ക്കാര് തയ്യാറാകണമെന്ന് പടക്ക വ്യാപാരി അസോസിയേഷന് ജമാ മസ്ജിദ് പ്രസിഡണ്ട് ഡി കെ ജെയിന് പറഞ്ഞു. കൂടാതെ ഡെല്ഹി വ്യാപാരി മഹാസംഘം പ്രസിഡണ്ട് ദേവരാജ് ബവേജയും ഇതേ ആവശ്യവുമായി രംഗത്തെത്തി.
Read Also: ശബരിമല തീര്ത്ഥാടനം; പുതിയ കോവിഡ് മാര്ഗനിര്ദേശങ്ങള് പുറത്തിറക്കി