തിരുവനന്തപുരം: കല്ലമ്പലത്ത് ഒരു കുടുംബത്തിലെ അഞ്ചുപേരെ മരിച്ച നിലയിൽ കണ്ടെത്തി. ചാത്തൻപാറ സ്വദേശി മണിക്കുട്ടനെയും കുടുംബത്തെയുമാണ് മരിച്ച നിലയിൽ കണ്ടെത്തിയത്. തിരുവനന്തപുരം കല്ലമ്പലത്തെ വീട്ടിലാണ് മൃതദേഹം കണ്ടെത്തിയത്. വിവരം അറിഞ്ഞ് പോലീസ് സ്ഥലത്തെത്തി പരിശോധന നടത്തുകയാണ്.
ആത്മഹത്യ എന്നാണ് പോലീസിന്റെ പ്രാഥമിക നിഗമനം. മണിക്കുട്ടൻ, ഭാര്യ, ഇവരുടെ രണ്ട് മക്കൾ, മണിക്കുട്ടന്റെ ഭാര്യയുടെ അമ്മയുടെ സഹോദരി എന്നിവരാണ് മരിച്ചത്. മണിക്കുട്ടന്റെ മൃതദേഹം തൂങ്ങിയ നിലയിലും മറ്റുള്ളവരുടേത് കിടക്കയിലുമാണ് കണ്ടെത്തിയത്.
മണിക്കുട്ടന് കടബാധ്യത ഉള്ളതായി നാട്ടുകാർ പോലീസിനോട് പറഞ്ഞു. സാമ്പത്തിക പ്രതിസന്ധിയെ തുടർന്നാണോ മരണമെന്ന് പോലീസ് പരിശോധിക്കുകയാണ്. തട്ടുകട നടത്തിയായിരുന്നു മണിക്കുട്ടൻ വരുമാനം കണ്ടെത്തിയിരുന്നത്.
Most Read: എകെജി സെന്റർ ആക്രമണം; ഫേസ്ബുക്ക് പോസ്റ്റ് ഇട്ടയാളെ ചോദ്യം ചെയ്യുന്നു