ന്യൂഡെൽഹി: കമ്പനിയുടെ ഗുണനിലവാരം ഉയർത്തുന്നതിനും ജനശ്രദ്ധ ആകർഷിക്കുന്നതിനും ഉപയോക്താക്കൾക്ക് സൗജന്യ സിം കാർഡ് ലഭ്യമാക്കാനൊരുങ്ങി ബിഎസ്എൻഎൽ. 20 രൂപയാണ് സൗജന്യ സിം കാർഡിന് കമ്പനി ഈടാക്കുക. പ്രമോഷണൽ ഓഫർ എന്ന നിലയിൽ ഉപയോക്താവ് കുറഞ്ഞത് 100 രൂപക്ക് റീചാർജ് (എഫ്ആർസി) നടത്തുകയാണെങ്കിൽ ഇത് സൗജന്യമാകും.
ബിഎസ്എൻഎൽ സൗജന്യ സിം കാർഡ് പരിമിത കാലത്തേക്കാണ് ആക്റ്റിവേറ്റ് ആകുന്നത്. 2020 നവംബർ 14 മുതൽ 2020 നവംബർ 28 വരെയാണ് ഇതിന്റെ കാലാവധി. പ്രമോഷണൽ ഓഫറിന് 15 ദിവസത്തെ വാലിഡിറ്റിയാണുള്ളത്. സൗജന്യ സിം കാർഡിന്റെ കാലാവധി അവസാനിച്ച് കഴിഞ്ഞാൽ പുതിയ സിമ്മിനായി ഉപയോക്താക്കൾ വീണ്ടും 20 രൂപ നൽകേണ്ടി വരും. കമ്പനി പ്രവർത്തിക്കുന്ന എല്ലാ ടെലികോം പ്രവർത്തനങ്ങളിലും ബിഎസ്എൻഎൽ സൗജന്യ സിം കാർഡ് ഓഫർ വാലിഡാണ്.
Also Read: അർണബിന്റെ ജാമ്യം; നീതിയുടെ കാരുണ്യം അർഹിക്കുന്നവരുടെ ലിസ്റ്റുമായി പ്രശാന്ത് ഭൂഷൺ
ഓഫർ ലഭിക്കുന്നതിനായി ഉപഭോക്താകൾക്ക് അടുത്തുള്ള ബിഎസ്എൻഎൽ റീട്ടെയ്ൽ ഷോപ്പ് സന്ദർശിക്കാം. അവിടെ, സിം കാർഡിനൊപ്പം കണക്ഷൻ നേടാനും ഓഫറിന്റെ ഭാഗമായി നിർബന്ധമായ 100 രൂപയുടെ എഫ്ആർസി പൂർത്തിയാക്കാനും സാധിക്കും. കണക്ഷൻ തിരഞ്ഞെടുക്കുന്ന സമയത്ത് ബിഎസ്എൻഎലിന് വിവിധ എഫ്ആർസി പ്ളാനുകളാണുള്ളത്.